മുംബൈ: ഓഹരി വിപണിയില് ഇടിവ്. വ്യാപാരത്തിന്റെ തുടക്കത്തില് സെന്സെക്സ് 200ലധികം പോയിന്റ് ആണ് താഴ്ന്നത്. നിഫ്റ്റി 24,200 എന്ന സൈക്കോളജിക്കല് ലെവലിന് താഴെയാണ്. അതിനിടെ ഡോളറിനെതിരെ രൂപയുടെ മൂല്യവും താഴ്ന്നു.
അമേരിക്ക- ഇറാന് സംഘര്ഷം തുടരുന്നതും എണ്ണവില ഉയര്ന്നു നില്ക്കുന്നതുമാണ് വിപണിയില് പ്രതിഫലിച്ചത്. ഇറാനെതിരെ നടപടി കടുപ്പിച്ച് അമേരിക്ക കൂടുതല് നിരോധനം പ്രഖ്യാപിച്ചതാണ് സംഘര്ഷം കനക്കാന് കാരണം. ഇതിന് പിന്നാലെ ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡ് വില ബാരലിന് 92 ഡോളറിന് മുകളില് തന്നെയാണ് നില്ക്കുന്നത്. എച്ച്സിഎല് ടെക്, ടെക് മഹീന്ദ്ര, മാരുതി, എന്ടിപിസി, പവര് ഗ്രിഡ്, ബജാജ് ഫിനാന്സ് ഓഹരികളാണ് പ്രധാനമായി നഷ്ടം നേരിടുന്നത്. അതേസമയം ട്രെന്ഡ്, അദാനി പോര്ട്സ്, ഐസിഐസിഐ ബാങ്ക്, ഭാരത് ഇലക്ട്രോണിക്സ് ഓഹരികള് നേട്ടത്തിലാണ്.
ഡോളറിനെതിരെ രൂപയുടെ മൂല്യത്തില് നാലു പൈസയുടെ നഷ്ടമാണ് ഉണ്ടായത്. 95.74ലേക്കാണ് രൂപയുടെ മൂല്യം താഴ്ന്നത്. ഉയര്ന്ന എണ്ണവിലയും ഡോളര് ശക്തിയാര്ജ്ജിച്ചതുമാണ് രൂപയെ സ്വാധീനിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
