ന്യൂഡല്‍ഹി: പ്രമുഖ ഫോണ്‍ നിര്‍മ്മാതാക്കളായ മോട്ടോറോളയുടെ പുതിയ സ്മാര്‍ട്ട്‌ഫോണ്‍ എഡ്ജ് 50 ഫ്യൂഷന്‍ ഇന്ന് ഇന്ത്യയില്‍ അവതരിപ്പിക്കും. 8 ജിബി റാമും 128 ജിബി സ്റ്റോറേജ് കപാസിറ്റിയുമുള്ള മോഡലിന് 24,999 രൂപയാണ് വില പ്രതീക്ഷിക്കുന്നത്.
പ്രീമിയം ബില്‍ഡ് ക്വാളിറ്റിയുള്ള സ്ലീക്ക് രൂപത്തിലാണ് ഫോണ്‍ വിപണിയില്‍ എത്തുക. ഡ്യുവല്‍ റിയര്‍ ക്യാമറ സജ്ജീകരണത്തോടെ വരുന്ന ഫോണ്‍ മൂന്ന് നിറങ്ങളില്‍ ലഭ്യമാണ്. ഫോറസ്റ്റ് ബ്ലൂ, മാര്‍ഷ്മാലോ ബ്ലൂ, ഹോട്ട് പിങ്ക് എന്നി നിറങ്ങളിലാണ് ഫോണ്‍ വാങ്ങാന്‍ സാധിക്കുക. 6.7 ഇഞ്ച് ഫുള്‍ എച്ച്ഡി 3D കര്‍വ്ഡ് poled ഡിസ്പ്ലേ, 144Hz റിഫ്രഷ് റേറ്റ്, 1,600 nitsന്റെ ഏറ്റവും ഉയര്‍ന്ന തെളിച്ചം തുടങ്ങി ഡിസ്‌പ്ലേയില്‍ ഉപയോക്താക്കളെ ആകര്‍ഷിക്കാന്‍ കഴിയുന്നവിധത്തില്‍ നിരവധി ഫീച്ചറുകള്‍ ഉണ്ട്. കോര്‍ണിംഗ് ഗൊറില്ല ഗ്ലാസ് 5 ആണ് ഡിസ്പ്ലേയെ കൂടുതല്‍ പരിരക്ഷിച്ചിരിക്കുന്നത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
Qualcomm Snapdragon 7s Gen 2 പ്രോസസറാണ് സ്മാര്‍ട്ട്ഫോണിന് കരുത്ത് പകരുന്നത്. ആന്‍ഡ്രോയിഡ് 14 ഓപ്പറേറ്റിംഗ് സിസ്റ്റത്തില്‍ പ്രവര്‍ത്തിക്കുന്ന ഈ ഉപകരണം മൂന്ന് വര്‍ഷത്തെ OS അപ്ഗ്രേഡുകളും നാല് വര്‍ഷത്തെ സുരക്ഷാ അപ്ഡേറ്റുകളും വാഗ്ദാനം ചെയ്യുന്നു. മോട്ടോ കണക്ട്, മോട്ടോ സെക്യൂര്‍, ഫാമിലി സ്‌പേസ്, പിസി സപ്പോര്‍ട്ട് എന്നിവയാണ് മറ്റു പ്രത്യേകതകള്‍.
OIS പിന്തുണയുള്ള 50 മെഗാപിക്‌സല്‍ Sony-Lytia 700C പ്രൈമറി സെന്‍സറും 13 മെഗാപിക്‌സല്‍ അള്‍ട്രാ വൈഡ് ആംഗിള്‍ ലെന്‍സും കാമറയെ കൂടുതല്‍ ആകര്‍ഷണമാക്കും. കൂടാതെ, സെല്‍ഫികള്‍ക്കും വീഡിയോ കോളുകള്‍ക്കുമായി 32 മെഗാപിക്‌സല്‍ സെല്‍ഫി ഷൂട്ടര്‍ ഈ ഉപകരണത്തില്‍ ഉണ്ട്. 68W ടര്‍ബോപവര്‍ ഫാസ്റ്റ് ചാര്‍ജിംഗ് പിന്തുണയുമായി 5,000mAh ബാറ്ററിയാണ് ഇതില്‍ ഉണ്ടാവുക. കൂടാതെ, ഈ ഉപകരണം വെള്ളത്തിനും പൊടിക്കും എതിരായ പ്രതിരോധം ഉറപ്പാക്കാന്‍ IP68 റേറ്റിംഗുമായാണ് വരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
