മുംബൈ: ഇന്നലെ കനത്ത ഇടിവ് നേരിട്ട ഓഹരി വിപണി ഇന്ന് തിരിച്ചുകയറി. ബിഎസ്ഇ സെന്‍സെക്‌സ് ആയിരത്തിലധികം പോയിന്റ് ആണ് മുന്നേറിയത്. എന്‍എസ്ഇ നിഫ്റ്റിയിലും സമാനമായ മുന്നേറ്റം ദൃശ്യമായി. ഇന്നലെ സെന്‍സെക്‌സ് രണ്ടായിരത്തിലധികം പോയിന്റ് ഇടിഞ്ഞാണ് വ്യാപാരം അവസാനിച്ചത്.
നിലവില്‍ 79000ന് മുകളിലാണ് സെന്‍സെക്‌സില്‍ വ്യാപാരം തുടരുന്നത്. ഓട്ടോ, മെറ്റല്‍ ഓഹരികളാണ് പ്രധാനമായി നേട്ടം ഉണ്ടാക്കുന്നത്. ആഗോള വിപണിയില്‍ നിന്നുണ്ടായ പ്രതികൂല വാര്‍ത്തകളാണ് ഇന്നലെ ഇന്ത്യന്‍ വിപണിയെ ബാധിച്ചത്. ഓഹരികളുടെ കൂട്ടക്കുരുതിയില്‍ നിക്ഷേപകരുടെ ആസ്തി മൂല്യത്തില്‍ നിന്ന് 15 ലക്ഷം കോടി രൂപയാണ് ഇന്നലെ ചോര്‍ന്നുപോയത്. ഇന്ന് ഇതില്‍ പകുതിയായ ഏഴു ലക്ഷം രൂപയാണ് നിക്ഷേപകര്‍ തിരിച്ചുപിടിച്ചത്.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
ഇന്ന് ആഗോള വിപണി തിരിച്ചുവന്നതാണ് ഇന്ത്യന്‍ വിപണിയിലും പ്രതിഫലിച്ചത്. ജാപ്പനീസ് സൂചികയായ നിക്കി അടക്കം തിരിച്ചുകയറി. ഓട്ടോ ഓഹരികള്‍ രണ്ടുശതമാനത്തിലേറെയാണ് മുന്നേറിയത്. ഇന്നലെ ഓട്ടോ ഓഹരികള്‍ ശരാശരി നാലുശതമാനമാണ് ഇടിഞ്ഞത്. ഇതിന്റെ പകുതി തിരിച്ചുപിടിച്ചിരിക്കുകയാണ് ഓട്ടോ ഓഹരികള്‍. ടാറ്റ മോട്ടോഴ്‌സ്, മാരുതി സുസുക്കി, മഹീന്ദ്ര ആന്റ് മഹീന്ദ്ര ഓഹരികളെല്ലാം നേട്ടം ഉണ്ടാക്കി. റിലയന്‍സ് ഇന്‍ഡസ്ട്രീസ്, അദാനി പോര്‍ട്‌സ്, എച്ച്ഡിഎഫ്‌സി ബാങ്ക് തുടങ്ങിയവയാണ് നേട്ടം ഉണ്ടാക്കിയ മറ്റു ഓഹരികള്‍. അതേസമയം എസ്ബിഐ, അപ്പോളോ ആശുപത്രി, സിപ്ല ഓഹരികള്‍ നഷ്ടം നേരിട്ടു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
