മുംബൈ: പ്രമുഖ സ്മാര്‍ട്ട് ഫോണ്‍ നിര്‍മ്മാതാക്കളായ പോക്കോയുടെ പുതിയ എഫ്7 സീരീസ് ഫോണുകള്‍ മാര്‍ച്ച് 27ന് ലോഞ്ച് ചെയ്യുമെന്ന് റിപ്പോര്‍ട്ട്. എഫ് 7 സീരീസില്‍ പ്രോ, അള്‍ട്രാ മോഡലുകള്‍ അവതരിപ്പിക്കാനാണ് കമ്പനി ഒരുങ്ങുന്നത്.
രണ്ട് ഫോണുകളിലും വൃത്താകൃതിയിലുള്ള കാമറ ഐലന്‍ഡ് ഉള്ളതായാണ് സൂചന. അള്‍ട്രയില്‍ മൂന്ന് കാമറ ലെന്‍സുകള്‍ ഉണ്ട്. അതേസമയം പ്രോ മോഡലില്‍ രണ്ട് ലെന്‍സുകള്‍ മാത്രമേ ഉള്ളൂ. വൃത്താകൃതിയിലുള്ള കാമറ ഐലന്‍ഡ്, ഡ്യുവല്‍-ടോണ്‍ ഫിനിഷ്, പരന്ന അരികുകള്‍, മൈക്രോ-കര്‍വ്ഡ് സ്‌ക്രീനുകള്‍, വലതുവശത്തെ ഫ്രെയിമിലെ ബട്ടണുകള്‍ എന്നിവയാണ് മറ്റു സവിശേഷതകള്‍.
എഫ്7 പ്രോയില്‍ സ്‌നാപ്ഡ്രാഗണ്‍ 8 ഏലി 3 ചിപ്സെറ്റാണ് ക്രമീകരിച്ചിരിക്കുന്നത്. കൂടാതെ, ഫോണില്‍ 50MP ഡ്യുവല്‍ റിയര്‍ കാമറ സിസ്റ്റവും 90W വയര്‍ഡ് ഫാസ്റ്റ് ചാര്‍ജിങ് പിന്തുണയുള്ള 5,830mAh ബാറ്ററിയും ഉണ്ടായിരിക്കും.സ്‌നാപ്ഡ്രാഗണ്‍ 8 എലൈറ്റ് ടീഇ യോടുകൂടിയാണ് അള്‍ട്രാ വരുന്നത്. 120W വയര്‍ഡ്, 50W വയര്‍ലെസ് ചാര്‍ജിങ് പിന്തുണയുള്ള 6,000mAh ബാറ്ററിയായിരിക്കും ഹാന്‍ഡ്സെറ്റിന് കരുത്ത് പകരുക. കാമറയുടെ കാര്യത്തില്‍, ടെലിഫോട്ടോ ലെന്‍സ് ഉള്‍പ്പെടെ 50MP ട്രിപ്പിള്‍ റിയര്‍ സജ്ജീകരണം ഇതില്‍ ഉള്‍പ്പെട്ടേക്കാം.
ആന്‍ഡ്രോയിഡ് 15-അധിഷ്ഠിത ഹൈപ്പര്‍ഒഎസ് ആണ് രണ്ടു ഫോണുകളിലെയും സോഫ്റ്റ് വെയര്‍.16 ജിബി റാമുമായാണ് ഇരു ഫോണുകളും വിപണിയില്‍ എത്തുക. പോക്കോ എഫ്7 പ്രോയ്ക്ക് 57,000 രൂപയാണ് വില പ്രതീക്ഷിക്കുന്നത്. അള്‍ട്രായ്ക്ക് ഇതിനേക്കാള്‍ വില കൂടും. 71000 രൂപയാണ് പ്രതീക്ഷിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
