ടി രബിശങ്കർ ആർബിഐ ഡെപ്യൂട്ടി ഗവർണർ  

ന്യൂഡൽഹി: ടി രബിശങ്കർ റിസർവ് ബാങ്ക് ഓഫ് ഇന്ത്യയുടെ (ആർബിഐ) പുതിയ ഡെപ്യൂട്ടി ഗവർണർ. ഡെപ്യൂട്ടി ഗവർണറായിരുന്ന ബി പി കനുങ്കോ കഴിഞ്ഞ മാസം വിരമിച്ച സാഹചര്യത്തിലാണ് ആർബിഐ എക്‌സിക്യൂട്ടീവ് ഡയറക്‌ടറായ ടി രബിശങ്കറിനെ ഡെപ്യൂട്ടി ഗവർണറായി നിർദേശിച്ചത്. മൂന്ന് വർഷത്തേക്കാണ് നിയമനം.
 
മൈക്കൽ ഡി പാത്ര, മുകേഷ് കുമാർ ജെയിൻ, രാജേശ്വർ റാവു എന്നിവരാണ് മറ്റു മൂന്ന് ഡെപ്യൂട്ടി ഗവർണർമാർ. ഫിൻടെക്ക്, ഇൻഫൊർമേഷൻ ടെക്ക്നോളജി, പേയ്മെന്റ് സിസ്റ്റം, റിസ്ക് മോണിറ്ററിംഗ് തുടങ്ങിയ കനുങ്കോയുടെ വകുപ്പുകൾ ശങ്കറിന്റെ പോർട്ട്‌ഫോളിയോയിൽ ഉൾപ്പെട്ടേക്കാം.