മുംബൈ: ഡോളറിനെതിരെ രൂപയുടെ മൂല്യത്തില്‍ വീണ്ടും വര്‍ധന. ഇന്ന് വ്യാപാരത്തിന്റെ തുടക്കത്തില്‍ 23 പൈസയുടെ നേട്ടമാണ് രൂപ സ്വന്തമാക്കിയത്. നിലവില്‍ 85.49 എന്ന നിലയിലാണ് രൂപയുടെ വിനിമയം നടക്കുന്നത്.
ഓഹരി വിപണിയില്‍ വിദേശനിക്ഷേപത്തിന്റെ ഒഴുക്ക് വര്‍ധിച്ചതും ഓഹരി വിപണിയില്‍ നിന്നുള്ള അനുകൂല സൂചനകളുമാണ് രൂപയ്ക്ക് തുണയായത്. എന്നാല്‍ ആഗോളവിപണിയില്‍ എണ്ണവിലയില്‍ നേരിയ വര്‍ധന ഉണ്ടായതും ഡോളര്‍ ശക്തിയാര്‍ജിക്കുന്നതും രൂപയുടെ വലിയ തോതിലുള്ള മുന്നേറ്റത്തിന് തടസ്സം സൃഷ്ടിച്ചു. ഇന്നലെ 36 പൈസയുടെ നേട്ടത്തോടെ 85.72 ലാണ് രൂപ ക്ലോസ് ചെയ്തത്.
അതിനിടെ ഓഹരി വിപണിയും നേട്ടത്തിലാണ്. സെന്‍സെക്‌സ് വീണ്ടും 84000ലേക്ക് അടുക്കുകയാണ്. നിഫ്റ്റി 25600ന് മുകളിലാണ്. ജിയോ ഫിനാന്‍ഷ്യല്‍, എസ്ബിഐ, റിലയന്‍സ്, ഐസിഐസിഐ ബാങ്ക് ഓഹരികളാണ് പ്രധാനമായി നേട്ടം ഉണ്ടാക്കുന്നത്. അതിനിടെ നിഫ്റ്റി ബാങ്ക് സൂചിക പുതിയ റെക്കോര്‍ഡ് സ്വന്തമാക്കി. വ്യാപാരത്തിനിടെ ആദ്യമായി 57,300 പോയിന്റ് മറികടന്ന് നിഫ്റ്റി ബാങ്ക് സൂചിക കുതിച്ചു. ബാങ്ക് ഓഫ് ബറോഡ, പഞ്ചാബ് നാഷണല്‍ ബാങ്ക് ഓഹരികള്‍ രണ്ടുശതമാത്തോളം ഉയര്‍ന്നതാണ് നിഫ്റ്റി ബാങ്ക് സൂചികയില്‍ പ്രതിഫലിച്ചത്.
Indian Rupee rises 23 paise against US dollar in early trade; Sensex and Nifty up; Bank nifty at all time high - Latest share market news updates
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
