മുംബൈ: യുഎസ് ഫെഡറല്‍ റിസര്‍വ് പലിശനിരക്ക് കുറച്ചെങ്കിലും വീണ്ടും കുറയ്ക്കുന്നത് ഉടന്‍ ഉണ്ടാവില്ല എന്ന സൂചനയില്‍ ഇടറിവീണ് ഓഹരി വിപണി. ഇന്ന് വ്യാപാരത്തിന്റെ തുടക്കത്തില്‍ സെന്‍സെക്‌സ് 450ലധികം പോയിന്റ് ആണ് ഇടിഞ്ഞത്. നിഫ്റ്റി 26000 എന്ന സൈക്കോളജിക്കല്‍ ലെവലിനും താഴെയെത്തി.
കഴിഞ്ഞ ദിവസം യുഎസ് ഫെഡറല്‍ റിസര്‍വ് പലിശനിരക്കില്‍ 25 ബേസിക് പോയിന്റിന്റെ കുറവാണ് വരുത്തിയത്. എന്നാല്‍ സമീപഭാവിയില്‍ തന്നെ വീണ്ടും പലിശനിരക്ക് കുറയ്ക്കാനുള്ള സാധ്യത തള്ളിക്കൊണ്ടാണ് ഫെഡറല്‍ റിസര്‍വ് വായ്പാ നയം പ്രഖ്യാപിച്ചത്. ഇതാണ് വിപണിയെ സ്വാധീനിച്ചത്. കൂടാതെ വിദേശ നിക്ഷേപകര്‍ വില്‍പ്പനക്കാരായി മാറിയതും ഇന്ത്യന്‍ ഓഹരി വിപണിക്ക് വിനയായി. ബുധനാഴ്ച മാത്രം 2500 കോടി രൂപ മൂല്യമുള്ള ഓഹരികളാണ് വിദേശ നിക്ഷേപകര്‍ വിറ്റൊഴിഞ്ഞത്.
അതിടെ ഡോളറിനെതിരെ രൂപയുടെ മൂല്യവും ഇടിഞ്ഞു. വ്യാപാരത്തിന്റെ തുടക്കത്തില്‍ 21 പൈസയുടെ നഷ്ടത്തോടെ 88.43 എന്ന നിലയിലേക്കാണ് രൂപയുടെ മൂല്യം താഴ്ന്നത്. ഡോളര്‍ ശക്തിയാര്‍ജിക്കുന്നതും യുഎസ് ഫെഡറല്‍ റിസര്‍വ് പ്രഖ്യാപനവുമാണ് രൂപയെ സ്വാധീനിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
