മുംബൈ: രാജ്യത്ത് ഓഹരി സൂചികകളില്‍ വന്‍ ഇടിവ്. തിങ്കളാഴ്ച വ്യാപാരം തുടങ്ങിയപ്പോള്‍ സെന്‍സെക്‌സ് ആയിരത്തിലേറെ പോയിന്റ് താഴ്ന്നു. നിഫ്റ്റി മുന്നൂറിലേറെ പോയിന്റ് ആണ് ഇടഞ്ഞത്.
കോവിഡ് വ്യാപനത്തെത്തുടര്‍ന്ന് മഹാരാഷ്ട്രയില്‍ വാരാന്ത്യ ലോക്ക് ഡൗണും നൈറ്റ് കര്‍ഫ്യൂവും പ്രഖ്യാപിച്ചതാണ് ഓഹരി വിപണിയില്‍ പ്രതിഫലിച്ചത്. ബാങ്കിങ്, ഫിനാന്‍സ്, ഓട്ടോ ഓഹരികളില്‍ വന്‍തോതില്‍ വിറ്റഴിക്കപ്പെട്ടു.
വ്യാപാരം തുടങ്ങിയ ഉടന്‍ തന്നെ 1319.99 പോയിന്റ് ഇടിഞ്ഞ സെന്‍സെക്‌സ് 48,709.84ല്‍ എത്തി. വെള്ളിയാഴ്ച ക്ലോസ് ചെയ്തതിനേക്കാള്‍ 2.64 ശതമാനം താഴെയാണിത്. നിഫ്റ്റി 337.40 ഇടിഞ്ഞ് 14529.95ല്‍ എത്തി.
ഇന്‍ഡസ് ബാങ്ക്, ബജാജ് ഫിനാന്‍സ്, ബജാജ് ഫിന്‍സെര്‍വ് തുടങ്ങിയ ഓഹരികളാണ് സെന്‍സെക്‌സില്‍ മുഖ്യമായും നഷ്ടത്തിലെത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
