ന്യൂഡല്ഹി: റെക്കോര്ഡുകള് ഭേദിച്ച് ഓഹരി വിപണിയുടെ കുതിപ്പ് തുടരുന്നു. ഇന്നലെ പുതിയ ഉയരം കുറിച്ച് വ്യാപാരം അവസാനിച്ച ഓഹരി വിപണി ഇന്ന് രാവിലെയും നേട്ടത്തോടെയാണ് വ്യാപാരം തുടങ്ങിയത്. ബോംബെ ഓഹരി സൂചികയായ സെന്സെക്സ് 70,000ലേക്കാണ് അടുക്കുന്നത്. നിലവില് 450 പോയിന്റ് നേട്ടത്തോടെ 69,300 പോയിന്റിന് മുകളിലാണ് സെന്സെക്സ്.
ദേശീയ ഓഹരി സൂചികയായ നിഫ്റ്റിയിലും സമാനമായ പ്രകടനമാണ്. 152 പോയിന്റ് നേട്ടത്തോടെ 20,800 പോയിന്റിന് മുകളിലാണ് ഇപ്പോള് വ്യാപാരം തുടരുന്നത്. തുടര്ച്ചയായ ആറാം ദിവസമാണ് നിഫ്റ്റിയില് മുന്നേറ്റം ദൃശ്യമാകുന്നത്.നിയമസഭ തെരഞ്ഞെടുപ്പിലെ ബിജെപി മുന്നേറ്റവും ആഗോള വിപണിയില് നിന്നുള്ള അനുകൂല സൂചനകളുമാണ് ഇന്ത്യന് ഓഹരിവിപണിയില് പ്രതിഫലിക്കുന്നത്.
പ്രധാനമായി ബാങ്ക് ഓഹരികളാണ് മുന്നേറ്റം രേഖപ്പെടുത്തുന്നത്. എച്ച്ഡിഎഫ്സി ബാങ്ക്, ആക്സിസ് ബാങ്ക്, ഐസിഐസിഐ ബാങ്ക് തുടങ്ങിയവയാണ് പ്രധാനമായി നേട്ടം ഉണ്ടാക്കുന്ന ഓഹരികള്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
