ഡേറ്റ കുറയ്ക്കാൻ ടെലികോം കമ്പനികൾ, മൊബൈൽ ചാർജ് കൂട്ടില്ല

ഡൽഹി: നിരക്കു വർധനയ്ക്കുള്ള നീക്കങ്ങൾ മരവിപ്പിച്ച് ടെലികോം കമ്പനികൾ. കോവിഡ് പ്രതിസന്ധികൾക്കിടയിൽ നിരക്കു വർധനവരുന്നത് തിരിച്ചടിയാകുമെന്ന വിലയിരുത്തലിന്റെ അടിസ്ഥാനത്തിലാണു കമ്പനികൾ നീക്കം തൽക്കാലം ഉപേക്ഷിച്ചത്.

പ്ലാനുകൾ പരിഷ്കരിച്ചു ശരാശരി പ്രതിമാസ വരുമാനം വർധിപ്പിക്കാനുള്ള നീക്കത്തിലാണ് എയർടെൽ, റിലയൻസ് ജിയോ, വോഡഫോൺ–ഐഡിയ തുടങ്ങിയ കമ്പനികൾ. ഡേറ്റയുടെ അളവു കുറച്ച് കൂടുതൽ കാലാവധിയുള്ള പ്ലാനുകളാണു കമ്പനികൾ ഇപ്പോൾ വാഗ്ദാനം ചെയ്യുന്നത്. ഇതിലൂടെ കമ്പനികളുടെ 5–10% വരുമാനം ഉയർത്താൻ സാധിക്കുമെന്നു കണക്കാക്കുന്നു.