മുംബൈ: അടിസ്ഥാന സൗകര്യ വികസനമേഖലയുടെ വളര്‍ച്ചയ്ക്ക് അടുത്ത അഞ്ചുവര്‍ഷക്കാലയളവില്‍ 50 ലക്ഷം കോടി രൂപയുടെ നിക്ഷേപം വേണ്ടിവരുമെന്ന് പ്രമുഖ ക്രെഡിറ്റ് റേറ്റിംഗ് ഏജന്‍സി ക്രിസില്‍. ഇതില്‍ നാലില്‍ മൂന്നുഭാഗവും ഊര്‍ജ്ജം, ഗതാഗതം, നഗര വികസനം എന്നി മേഖലകള്‍ക്കാണ് പ്രയോജനപ്പെടേണ്ടത്.
2013-17 കാലയളവ് അടിസ്ഥാന സൗകര്യ വികസന മേഖലയെ സംബന്ധിച്ച് മെച്ചപ്പെട്ട കാലമായിരുന്നു. 37 ലക്ഷം കോടി രൂപയാണ് ഇക്കാലയളവിലെ നിക്ഷേപം. ഇത് ജിഡിപിയുടെ 5.6 ശതമാനം വരും. ഇതിന് തൊട്ടുമുന്‍പത്തെ അഞ്ചുവര്‍ഷകാലയളവിനെ അപേക്ഷിച്ച് നിക്ഷേപത്തില്‍ 56 ശതമാനത്തിന്റെ വര്‍ധനയാണുണ്ടായത്. 24 ലക്ഷം കോടി രൂപയുടെ നിക്ഷേപമാണ് 2009-2013 കാലയളവില്‍ ആകര്‍ഷിച്ചത്. സ്വകാര്യ നിക്ഷേപം കുത്തനെ ഇടിയുന്നത് തടയാന്‍ വമ്പിച്ച പൊതുനിക്ഷേപം വഴി കഴിഞ്ഞതായും ക്രിസില്‍ റിപ്പോര്‍ട്ട് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
