ന്യൂഡല്‍ഹി: 2019-20 വര്‍ഷത്തെ ആദായ നികുതി റിട്ടേണ്‍ സമര്‍പ്പിക്കാനുള്ള സമയപരിധി നവംബര്‍ 30 വരെ നീട്ടി. കോവിഡ് വ്യാപനം കണക്കിലെടുത്താണ് തീരുമാനമെന്ന ആദായ നികുതി വകുപ്പ് അറിയിച്ചു.
ലോക്ക്ഡൗണ്‍ പ്രഖ്യാപിച്ചതോടെ ആദായനികുതി റിട്ടേണ്‍ ഫയല്‍ ചെയ്യാനുള്ള തിയ്യതി ജൂണ്‍ 30 ആക്കിയിരുന്നു. തുടര്‍ന്ന് കഴിഞ്ഞ മാസം അതു നീട്ടി ജൂലൈ 31 വരെയാക്കി. ഇതാണ് ഇപ്പോള്‍ വീണ്ടും നീട്ടിയിരിക്കുന്നത്.
പാന്‍ ആധാറുമായി ബന്ധിപ്പിയ്ക്കണ്ട അവസാന തിയതി മാര്‍ച്ച് 31 ആണ്. നിരവധി തവണ പാന്‍ ആധാറുമായി ബന്ധിപ്പിയ്ക്കുന്നതിന് സര്‍ക്കാര്‍ അവസരം നല്‍കിയിരുന്നു. മാര്‍ച്ച് 31ന് മുന്‍പ് ആധാറുമായി ബന്ധിപ്പിച്ചില്ലെങ്കില്‍ പാന്‍ അസാധുവായേക്കും.
കോവിഡ് 19 വൈറസ് ബാധയെ തുടര്‍ന്നുണ്ടായ മാറ്റങ്ങളും കൂടി ഉള്‍പ്പെടുത്തി പുതിയ വര്‍ഷത്തെ ആദായ നികുതി റിട്ടേണ്‍ ഫോം ധനമന്ത്രാലയം പുറത്തിറക്കിയിരുന്നു. ഏപ്രില്‍ ഒന്നു മുതല്‍ ജൂണ്‍ 30 വരെയുള്ള ബാങ്ക് സ്ഥിര നിക്ഷേപങ്ങള്‍, മറ്റ് നിക്ഷേപങ്ങള്‍ എന്നിവ രേഖപ്പെടുത്താനുള്ള കോളങ്ങള്‍ പുതിയ ഫോമില്‍ ഉള്‍പ്പെടുത്തിയിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
