ന്യൂഡല്‍ഹി: എംപ്ലോയീസ് പ്രൊവിഡന്റ് ഫണ്ട് പലിനിരക്ക് ഉയര്‍ത്തി. 8.55 ശതമാനത്തില്‍ നിന്ന് 8.65 ശതമാനമായാണ് ഉയര്‍ത്തിയത്. 2018-19 സാമ്പത്തിക വര്‍ഷത്തെ പലിശനിരക്കാണ് ഉയര്‍ത്തിയത്.
ആറു കോടി നിക്ഷേപക്കാര്‍ക്കാണ് ഇതിന്റെ പ്രയോജനം ലഭിക്കുക. ഇപിഎഫ്ഒ ട്രസ്റ്റി യോഗത്തിലാണ് തീരുമാനം. തെരഞ്ഞെടുപ്പ് അടുത്തിരിക്കുന്ന പശ്ചാത്തലത്തില്‍ പലിശനിരക്ക് ഉയര്‍ത്തുമെന്ന് റിപ്പോര്‍ട്ടുകള്‍ പുറത്തുവന്നിരുന്നു. ട്രസ്റ്റി യോഗത്തിന്റെ തീരുമാനം ധനമന്ത്രാലയം അംഗീകരിക്കുന്നതോടെ പുതിയ പലിശനിരക്ക് പ്രാബല്യത്തില്‍ വരും.
കഴിഞ്ഞ കുറെ വര്‍ഷങ്ങളായി പലിശനിരക്ക് താഴ്ത്തി നിശ്ചയിക്കുന്നതില്‍ തൊഴിലാളി സംഘടനകള്‍ക്കിടയില്‍ എതിര്‍പ്പ് ശക്തമായിരുന്നു. ഇതും പലിശനിരക്ക് ഉയര്‍ത്തുന്നതിനെ സ്വാധീനിച്ചതായാണ് റിപ്പോര്‍ട്ടുകള്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
