ന്യൂഡല്ഹി: ടെലികോം കമ്പനികള്ക്കിടയില് മത്സരം മുറുകുന്നതിനിടെ, വമ്പിച്ച ഓഫറുമായി പ്രമുഖ പൊതുമേഖല ടെലികോം കമ്പനി ബിഎസ്എന്എല്. എല്ലാ പ്രീപെയ്ഡ് ഉപഭോക്താക്കള്ക്കും ഒക്ടോബര് 31 വരെ 25 ശതമാനം അധികം ഡേറ്റയാണ് ബിഎസ്എന്എല് പ്രഖ്യാപിച്ചത്.
പുതിയ വരിക്കാര്ക്കും നിലവിലെ ഉപഭോക്താക്കള്ക്കും ഈ ആനുകൂല്യം ലഭിക്കും. ഡേറ്റ ഉപയോഗത്തിനായി പ്രത്യേക താരിഫ് വൗച്ചറുകള് തെരഞ്ഞെടുത്തവര്ക്കും ഈ ഓഫര് ലഭ്യമാകും. ബിസിനസ് രംഗത്ത് 20 വര്ഷം പൂര്ത്തിയാക്കിയതിന്റെ ആഘോഷ പരിപാടികളുടെ ഭാഗമായാണ് ഉപഭോക്താക്കള്ക്ക് ഈ ഓഫര്.
എല്ലാ സര്ക്കിളുകളിലും ഈ ഓഫര് ലഭ്യമാകും. നിലവില് വിവിധ പ്ലാനുകള് അനുസരിച്ച് ലഭിക്കുന്ന ഡേറ്റയുടെ 25 ശതമാനം അധികമാണ് ഈ മാസം ലഭിക്കുക. വോയ്സ് കോള്, എസ്എംഎസ് എന്നിവയ്ക്ക് മാത്രമായി റീച്ചാര്ജ് ചെയ്തവര്ക്ക് ഇതിന്റെ ആനുകൂല്യം ലഭിക്കുകയില്ല.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
