കൊച്ചി: റെക്കോര്‍ഡുകള്‍ ഭേദിച്ച് മുന്നേറുന്ന സ്വര്‍ണവില പവന് 30,000 രൂപയിലേക്ക് അടുക്കുന്നു. ഇന്ന് 120 രൂപ വര്‍ധിച്ച് സ്വര്‍ണവില പവന് 29,680 രൂപയായി. 15 രൂപ ഉയര്‍ന്ന് ഒരു ഗ്രാം സ്വര്‍ണത്തിന്റെ വില 3710 രൂപയായി. അമേരിക്ക- ഇറാന്‍ യുദ്ധഭീഷണിയും, രൂപയുടെ മൂല്യം താഴ്ന്നതും ഉള്‍പ്പെടെയുളള ഘടകങ്ങളാണ് സ്വര്‍ണവിലയില്‍ പ്രതിഫലിച്ചത്.
മൂന്നാഴ്ച കൊണ്ട് ഒരു പവന് സ്വര്‍ണത്തിന്റെ വിലയില്‍ 1680 രൂപയാണ് വര്‍ധിച്ചത്. കഴിഞ്ഞ മാസം 13ന് 28,000 രൂപയായിരുന്നു സ്വര്‍ണവില. ഇതാണ് ഘട്ടം ഘട്ടമായി ഉയര്‍ന്ന് 29,680ല്‍ എത്തി നില്‍ക്കുന്നത്. ഇന്നലെ മാത്രം രണ്ടു തവണയായി 440 രൂപയാണ് സ്വര്‍ണത്തിന്റെ വിലയില്‍ ഉണ്ടായ വര്‍ധന.
കഴിഞ്ഞവര്‍ഷത്തിന്റെ അവസാനദിനം സര്‍വ്വകാല റെക്കോര്‍ഡോടെയാണ് സ്വര്‍ണത്തിന്റെ വില്‍പ്പന നടന്നത്. 29,080 രൂപയായിരുന്നു അന്നത്തെ വില. ഇതാണ് ഇപ്പോള്‍ തുടര്‍ച്ചയായി തിരുത്തികുറിച്ച് മുന്നേറുന്നത്.
രൂപയുടെ മൂല്യം ഇടിഞ്ഞതും അമേരിക്ക- ഇറാന്‍ യുദ്ധഭീഷണിയുമാണ് മുഖ്യമായി സ്വര്‍ണത്തിന്റെ വില ഉയരാന്‍ കാരണം. സുരക്ഷിത നിക്ഷേപമെന്ന നിലയില്‍ സ്വര്‍ണത്തിലേക്കുളള നിക്ഷേപം ഓരോ ദിവസം കഴിയുന്തോറും വര്‍ധിച്ചുവരികയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
