ജിയോ രാജ്യത്തെ ടെലികോം രംഗത്ത് സൃഷ്ടിച്ച തരംഗം മറികടക്കാന്‍ എയര്‍ടെല്ലും വൊഡാഫോണും. പുതിയ ഡാറ്റ പ്ലാനുകള്‍ അവതരിപ്പിച്ചാണ് ഇരു കമ്പനികളും ജിയോയ്‌ക്കെതിരെ പോരാട്ടം ശക്തമാക്കിയിരിക്കുന്നത്. 255 രൂപയുടെ റീചാര്‍ജ്ജില്‍ ദിവസേന 2 ജിബി ഡാറ്റ നല്‍കുന്ന പുതിയ പ്ലാനാണ് ജിയോയുടെ കുതിപ്പിനെ തടയിടാന്‍ വോഡാഫോണ്‍ അവതരിപ്പിച്ചിരിക്കുന്നത്. 28 ദിവസത്തേ വാലിഡിറ്റിയുള്ള ഈ പ്ലാനില്‍ അണ്‍ലിമിറ്റഡ് വോയ്‌സ് കോള്‍, എസ്ടിഡി, റോമിംഗ് കോളുകള്‍ എന്നിവയും സൗജന്യമാണ്.ദിവസേന 100 സൗജന്യ എസ്എംഎസുകളും ലഭ്യമാകും.
ജിയോയുടെ 299 രൂപയുടെ ഡാറ്റാ പ്ലാനിനെ മറികടക്കാനാണ് വൊഡാഫോണ്‍ പുതിയ പ്ലാന്‍ അവതരിപ്പിച്ചിരിക്കുന്നത്. എന്നാല്‍ തെരഞ്ഞെടുത്ത സര്‍ക്കിളുകളില്‍ മാത്രമെ ഈ പ്ലാന്‍ ലഭ്യമാവൂ എന്നത് ഉപയോക്താക്കള്‍ക്ക് തിരിച്ചടിയാണ്. മാത്രമല്ല സൗജന്യ വോയ്‌സ് കോള്‍ പരിധി ദിവസം 250 മിനിറ്റും ആഴ്ചയില്‍ 1000 മിനിറ്റുമായി പരിമിതപ്പെടുത്തിയിട്ടുമുണ്ട്.
249 രൂപയുടെ ഡാറ്റാ പ്ലാനില്‍ പ്രതിദിനം 2 ജിബി ഡാറ്റ നല്‍കുന്നതാണ് എയര്‍ടെല്ലിന്റെ ഓഫര്‍. അണ്‍ലിമിറ്റഡ് വോയ്‌സ് കോള്‍ സൗകര്യവും പ്രതിദിനം 100 സൗജന്യ എസ്എംഎസും എയര്‍ട്ടെല്‍ ഓഫറിനൊപ്പം ലഭ്യമാണ്. ജിയോയുടെ 28 ദിവസത്തേക്കുള്ള 299 രൂപയുടെ ഡാറ്റാ പ്ലാനില്‍ ദിവസേന മൂന്ന് ജിബി ഡാറ്റയും അണ്‍ലിമിറ്റഡ് വോയ്‌സ് കോളുമാണ് ഓഫര്‍ ചെയ്യുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
