കൊച്ചി: റെക്കോര്‍ഡ് നിലവാരത്തില്‍ തുടര്‍ച്ചയായ ദിവസങ്ങളില്‍ വ്യാപാരം തുടര്‍ന്ന സ്വര്‍ണവില ഇന്ന് താഴ്ന്നു. പവന് 240 രൂപ താഴ്ന്ന് സ്വര്‍ണവില 30,160 രൂപയായി. കഴിഞ്ഞ ദിവസങ്ങളില്‍ സര്‍വകാല റെക്കോര്‍ഡായ 30,400 രൂപ എന്ന നിലവാരം നിലനിര്‍ത്തിയാണ് സ്വര്‍ണത്തിന്റെ വ്യാപാരം നടന്നത്.
ഒരു ഗ്രാം സ്വര്‍ണത്തിന്റെ വിലയിലും ഇടിവുണ്ടായിട്ടുണ്ട്. ഗ്രാമിന് 30 രൂപ ഇടിഞ്ഞ് 3,770 രൂപയായി. ആഗോളതലത്തില്‍ ഡോളര്‍ ശക്തിയാര്‍ജിച്ചതാണ് സ്വര്‍ണവിലയില്‍ പ്രതിഫലിച്ചത്. കൊറോണ വൈറസ് കൂടുതല്‍ രാജ്യങ്ങളിലേക്ക് പടര്‍ന്നുപിടിച്ച പശ്ചാത്തലത്തില്‍ കഴിഞ്ഞ ദിവസങ്ങളില്‍ സ്വര്‍ണവില താഴാതെ നില്‍ക്കുകയായിരുന്നു.
എങ്കിലും സ്വര്‍ണത്തിന്റെ വിലയിടിവ് താത്കാലികമാണെന്ന് വിദഗ്ധര്‍ പറയുന്നു. വരുംദിവസങ്ങളിലും സ്വര്‍ണവില ഉയരുമെന്നാണ് വിദഗ്ധരുടെ കണക്കുകൂട്ടല്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
