മുംബൈ; ഇന്ത്യയിലെ ഏറ്റവും വലിയ ധനികന് റിലയന്സ് ഇന്ഡസ്ട്രീസ് ചെയര്മാന് മുകേഷ് അംബാനി. 3,80,700 (3.80 ലക്ഷം കോടി) രൂപയാണ് മുകേഷ് അംബാനിയുടെ സമ്പാദ്യം. ഐഐഎഫ്എല് വെല്ത്ത് ഹുറൂണ് പുറത്തുവിട്ട ഈ വര്ഷത്തെ ഇന്ത്യയിലെ ധനികരുടെ പട്ടികയിലാണ് മുകേഷ് അംബാനി ആദ്യ സ്ഥാനം നേടിയത്.
ലണ്ടന് കേന്ദ്രമായി പ്രവര്ത്തിക്കുന്ന എസ്പി ഹിന്ദുജ ആന്ഡ് ഫാമിലിയാണ് പട്ടികയില് രണ്ടാമത്. 1,86,500 കോടിയാണ് ഹിന്ദുജ കുടുംബത്തിന്റെ ആസ്തി. വിപ്രോ സ്ഥാപകന് അസിം പ്രേംജി 1,17,100 കോടിയോടെ പട്ടികയില് മൂന്നാമതാണ്. എല് എന് മിത്തല്(1,07,300കോടി), ഗൗതം അദാനി(94,500 കോടി) എന്നിവരാണ് പട്ടികയിലെ നാലും അഞ്ചും സ്ഥാനക്കാര്. 25 കാരനായ ഓയോ റൂംസ് ഉടമ റിതേഷ് അഗര്വാള് 7000 കോടിയുടെ ആസ്തിയോടെ പട്ടികയില് ഏറ്റവും പ്രായം കുറഞ്ഞ ധനികനായി. പട്ടികയിലെ ആദ്യ 25 പേരുടെ ആസ്തി ഇന്ത്യന് ജിഡിപിയുടെ പത്ത് ശതമാനം വരും.
ആയിരം കോടി സമ്പാദ്യമുള്ളവരുടെ എണ്ണം കഴിഞ്ഞ വര്ഷത്തേക്കാള് വര്ധിച്ചിട്ടുണ്ടെന്നും റിപ്പോര്ട്ടില് പറയുന്നു. 2018 ല് 831 പേര്ക്കാണ് സഹസ്രകോടി സമ്പാദ്യമുണ്ടായിരുന്നത്. 2019 ആയപ്പോള് ഇത് 953 ആയി ഉയര്ന്നു. കോടീശ്വരന്മാരുടെ മൊത്തം സ്വത്ത് കഴിഞ്ഞ വര്ഷത്തേതിനേക്കാള് രണ്ട് ശതമനം അധികമായി വര്ധിച്ചെങ്കിലും ശരാശരി സ്വത്ത് വര്ധന 11 ശതമാനമായി കുറഞ്ഞു. പട്ടികയില് 344 പേരുടെ സ്വത്തില് കഴിഞ്ഞ വര്ഷത്തേക്കാള് കുറവുണ്ടായി. ഡോളര് കണക്കിലുള്ള കോടീശ്വരന്മാരുടെ എണ്ണം 141 ല് നിന്ന് 138 ആയി കുറഞ്ഞു. രാജ്യത്തെ കോടീശ്വരന്മാരില് 246 പേരും മുംബൈയില്നിന്നുള്ളവരാണ്. ന്യൂഡല്ഹി(175), ബാംഗലൂര്(77) എന്നിവരാണ് തൊട്ടുപിന്നില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
