കൊച്ചി: റെക്കോർഡുകൾ തിരുത്തി മുന്നേറുന്ന സ്വർണ വിലയിൽ ഇന്നും വർധനവ്. പവന് 240 രൂപ വർധിച്ച് സ്വർണ വില 38,000 കടന്നു. ഗ്രാമിന് 30 രൂപ വർധിച്ച് 4,765 രൂപയായി. ഒരു പവൻ സ്വർണം വാങ്ങാൻ 38,120 രൂപ നൽകണം.
നേരത്തെ തുടർച്ചയായ ദിവസങ്ങളിൽ മാറ്റമില്ലാതെ തുടർന്ന സ്വർണ വിലയിൽ കഴിഞ്ഞ ദിവസം മുതൽക്കാണ് വർധന തുടങ്ങിയത്. പത്ത് ദിവസം കൊണ്ട് പവന് 1,440 രൂപയാണ് വർധിച്ചത്.
ഈ മാസത്തി‌ന്റെ തുടക്കത്തിൽ ഒരു പവൻ സ്വർണത്തിന്റെ വില 36160 രൂപയായിരുന്നു. ഒരു ഘട്ടത്തിൽ 35800 രൂപയിലേക്ക് താഴ്ന്നിരുന്നു. തുടർന്ന് പടിപടിയായി ഉയർന്നാണ് പുതിയ ഉയരം കുറിച്ചത്. കോവിഡ് വ്യാപനത്തിന്റെ പശ്ചാത്തലത്തിൽ സുരക്ഷിത നിക്ഷേപമെന്ന നിലയിൽ സ്വർണത്തിലേക്ക് നിക്ഷേപകർ ഒഴുകി എത്തുകയാണ്. അതാണ് സ്വർണ വില ഗണ്യമായി ഉയരാൻ കാരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
