ന്യൂഡല്‍ഹി: ഇറക്കുമതി നിരുത്സാഹപ്പെടുത്താന്‍ റെഫ്രിജറേറ്റര്‍, എയര്‍ കണ്ടീഷനര്‍, വാഷിങ്‌മെഷീന്‍ അടക്കം 19 ഇനങ്ങളുടെ കസ്റ്റംസ് തീരുവ കേന്ദ്രസര്‍ക്കാര്‍ വര്‍ധിപ്പിച്ചു. 2.5 ശതമാനം മുതല്‍ 10 ശതമാനം വരെയാണ് കൂട്ടിയത്. പുതിയ തീരുവ ഇന്ന് അര്‍ദ്ധരാത്രി മുതല്‍ പ്രാബല്യത്തില്‍ വരും. ആഭ്യന്തരവിപണിയില്‍ ഈ ഉല്‍പ്പനങ്ങളുടെ വില ഉയരാന്‍ ഇത് ഇടയാക്കിയേക്കും.
വജ്രം, സ്യൂട്ട് കെയ്‌സ്, ബാഗ്, സ്പീക്കര്‍ അടക്കമുളള ഉല്‍പ്പനങ്ങളുടെയും തീരുവ ഉയര്‍ത്തിയിട്ടുണ്ട്. നിലവില്‍ രാജ്യത്തിന്റെ കറന്റ് അക്കൗണ്ട് കമ്മി ആശങ്കാജനകമായ നിലയില്‍ കുതിക്കുകയാണ്. ഈ പശ്ചാത്തലത്തിലാണ് കറന്റ് അക്കൗണ്ട് കമ്മിയെ സ്വാധീനിക്കുന്ന മുഖ്യഘടകമായ ഇറക്കുമതിയെ നിരുത്സാഹപ്പെടുത്താന്‍ സര്‍ക്കാര്‍ നടപടി സ്വീകരിച്ചത്. ചില ഉല്‍പ്പനങ്ങളുടെ കസ്റ്റംസ് തീരുവ ഉയര്‍ത്തി ഇറക്കുമതിയെ നിരുത്സാഹപ്പെടുത്താനാണ് സര്‍ക്കാര്‍ ശ്രമിക്കുന്നത്. കഴിഞ്ഞ സാമ്പത്തിക വര്‍ഷം ഇത്തരം ഉല്‍പ്പനങ്ങളുടെ ഇറക്കുമതി മൂല്യം 86000 കോടി രൂപയാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
