വരുന്നുണ്ട്, ടെസ്ലയുടെ ഒന്നൊന്നര മോഡല്! ഇന്ത്യക്കാര്ക്ക് പ്രതീക്ഷയ്ക്ക് വകയുണ്ടോ?
ന്യൂയോര്ക്ക്: ഇലക്ട്രിക്ക് കാര് നിര്മാണത്തിന് മുമ്പിലുള്ള അമേരിക്കന് കമ്പനി ടെസ്ല മോട്ടോഴ്സ് തങ്ങളുടെ പുതിയ മോഡലിന്റെ ആദ്യ ചിത്രം പുറത്തുവിട്ടു. മോഡല് വൈ എന്ന കോഡ് ഭാഷയിലുള്ള വാഹനം അടുത്ത അഞ്ച് വര്ഷത്തിനുള്ളില് വിപണിയിലെത്തുമെന്നാണ് കമ്പനി പറയുന്നത്.
കോംപാക്ട് ക്രോസോവര് സെഗ്മെന്റിലേക്കെത്തുന്ന മോഡല് വൈ പുതിയ പ്ലാറ്റ്ഫോമിലാണ് നിര്മിക്കുകയെന്നാണ് കമ്പനി മേധാവി ഇലോണ് മസ്ക്ക് പറയുന്നത്. മോഡല് എക്സിന്റെ ചെറു വെര്ഷനായി 2020ല് വിപണിയിലെത്തിക്കാനാകുമെന്നാണ് ടെസ്ല പ്രതീക്ഷിക്കുന്നത്.
ഇതേ വര്ഷം തന്നെയാണ് കമ്പനി ഇന്ത്യന് വിപണിയില് പ്രവേശിക്കുമെന്ന റിപ്പോര്ട്ടുകളുള്ളത്. ലോകമൊട്ടാകെ ചെറു എസ്യുവികള്ക്കുള്ള ഡിമാന്റ് കൂടിക്കൊണ്ടിരിക്കുന്ന സാഹചര്യത്തിലാണ് ടെസ്ല ഈ വിഭാഗത്തിലേക്കുള്ള ഇലക്ട്രിക്ക് കാര് ഒരുക്കുന്നത്.
കാറിന്റെ ചിത്രം അനുസരിച്ച് മോഡല് 3യെക്കാള് സുന്ദരനായിരിക്കുമെന്നാണ് സൂചന. കമ്പനിയുടെ ഏറ്റവും വില്പ്പന നടക്കുന്ന മോഡല് 3യേക്കാള് കൂടുതല് ജനകീയമാകും മോഡല് വൈ എന്നാണ് കമ്പനി പറയുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
