ന്യൂഡല്‍ഹി: ഭവനനിര്‍മ്മാണ മേഖലയിലെ തളര്‍ച്ചയുടെ പശ്ചാത്തലത്തില്‍ സിമന്റ് കമ്പനികള്‍ സിമന്റ് വില കുറയ്ക്കുന്നു. 50 കിലോയുടെ ബാഗിന് 10 മുതല്‍ 50 രൂപ വരെ കുറയ്ക്കാനാണ് കമ്പനികള്‍ തീരുമാനിച്ചിരിക്കുന്നത്. ഇതോടെ രാജ്യമൊട്ടാകെ സിമന്റ് വില കുറയും.
നിലവില്‍ ഭവന നിര്‍മ്മാണ മേഖലയില്‍ തളര്‍ച്ച നേരിടുകയാണ്. അതിനാല്‍ സിമന്റിന്റെ ഉപഭോഗത്തിലും കുറവുണ്ടായിട്ടുണ്ട്. ഈ പശ്ചാത്തലത്തിലാണ് വില കുറച്ച് ഉപഭോഗം വര്‍ധിപ്പിക്കാനുളള ശ്രമം കമ്പനികള്‍ നടത്തുന്നത്.
ഈ സാമ്പത്തിക വര്‍ഷം സിമന്റിന്റെ വില്‍പ്പനയില്‍ വളര്‍ച്ച കേവലം നാലു ശതമാനം മാത്രം ആയിരിക്കുമെന്നാണ് റിപ്പോര്‍ട്ടുകള്‍. കഴിഞ്ഞവര്‍ഷം ഇത് 13.3 ശതമായിരുന്നു. നിലവില്‍ കേരളത്തില്‍ 400 രൂപയ്ക്ക് മുകളിലാണ് ഒരു ചാക്ക് സിമന്റിന്റെ വില.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
