കൊച്ചി: സ്വര്‍ണവില ഈ മാസത്തെ ഏറ്റവും താഴ്ന്ന നിലയില്‍. തുടര്‍ച്ചയായ രണ്ടു ദിവസം കൊണ്ട് പവന് ആയിരം രൂപയോളമാണ് കുറഞ്ഞത്. ഇന്ന് 200 രൂപ കുറഞ്ഞ് ഒരു പവന് സ്വര്‍ണത്തിന്റെ വില 37,200 രൂപയായി. ഡോളര്‍ ശക്തിയാര്‍ജ്ജിക്കുന്നത് ഉള്‍പ്പെടെയുളള ഘടകങ്ങളാണ് സ്വര്‍ണവിലയില്‍ പ്രതിഫലിക്കുന്നത്.
ഗ്രാമിന്റെ വിലയും കുറഞ്ഞിട്ടുണ്ട്.25 രൂപ കുറഞ്ഞ് ഒരു ഗ്രാം സ്വര്‍ണത്തിന്റെ വില 4650 രൂപയായി. തിങ്കളാഴ്ച ഈ മാസത്തെ ഏറ്റവും ഉയര്‍ന്ന നിലവാരത്തിലേക്ക് സ്വര്‍ണവില മടങ്ങി എത്തിയിരുന്നു. തുടര്‍ന്നാണ് രണ്ടു ദിവസത്തിനിടെ പവന് ആയിരത്തോളം രൂപ ഇടിഞ്ഞത്. ഇന്നലെ മാത്രം രണ്ടു തവണകളായി 760 രൂപയാണ് കുറഞ്ഞത്.
ഈ മാസത്തിന്റെ തുടക്കത്തില്‍ 37800 രൂപയായിരുന്നു ഒരു പവന് സ്വര്‍ണത്തിന്റെ വില. ഇതാണ് ചാഞ്ചാട്ടങ്ങള്‍ക്ക് ഒടുവില്‍ ഏറ്റവും താഴ്ന്ന നിലവാരത്തില്‍ എത്തിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
