ഇംഗ്ലീഷ് ഭാഷാ പ്രാവീണ്യമുണ്ടോ?,എന്നാൽ അവസരമുണ്ട്

വിജ്ഞാനകേരളം പരിപാടിയുടെ ഭാഗമായി തൊഴിലന്വേഷകർക്ക് ഇംഗ്ലീഷ് ഭാഷ പരിശീലന മോഡ്യൂൾ തയ്യാറാക്കുന്നതിനും പരിശീലനം നൽകുന്നതിനും  ഇംഗ്ലീഷ് ഭാഷാ പ്രാവീണ്യമുള്ളവരിൽ നിന്ന് അപേക്ഷ ക്ഷണിക്കുന്നു.  മൂന്ന് ലക്ഷം തൊഴിലന്വേഷകർക്ക് ആണ് പരീശീലനം നൽകേണ്ടത്.

നൈപുണ്യ വികസന പരിപാടിയുടെ ഭാഗമായി അവസാന വർഷ വിദ്യാർത്ഥികൾക്കും ഐ.ടി.ഐ./ പോളിടെക്‌നിക് പാസായി തൊഴിൽ തേടുന്നവർക്കുമായി നടപ്പിലാക്കുന്ന പ്രത്യേക പരിപാടിയുടെ ഭാഗമായാണ് ഇംഗ്ലീഷ് ഭാഷാ-അഭിമുഖ-തൊഴിൽ പരിശീലനം. നവംബർ അവസാനവാരത്തോടുകൂടി പരിശീലനങ്ങൾ ആരംഭിക്കും.

ഇതിലേക്കായി  ഇംഗ്ലീഷ് ഭാഷ പരിശീലനം നൽകാൻ പ്രാവീണ്യമുള്ള പരിശീലകരെ തിരഞ്ഞെടുക്കും. സംസ്ഥാനാടിസ്ഥാനത്തിൽ തിരഞ്ഞെടുക്കുന്നവർക്കായി പരിശീലനം നൽകി ഐ.ടി.ഐ./ പോളിടെക്നിക് അടിസ്ഥാനത്തിൽ വിന്യസിക്കും. അപേക്ഷിക്കുന്നതിന്: https://forms.gle/FA9BkTLPv28BCxgi6.