ബി.ഫാം, എം.ഫാം അലോട്ട്മെന്റ് ലിസ്റ്റ് പ്രസിദ്ധീകരിച്ചു

കേരള അക്കാദമി ഓഫ് ഫാർമസി കോളേജിലെ 2025-26 അധ്യയന വർഷത്തെ ബി.ഫാം കോഴ്‌സ് പ്രവേശനത്തിനായുള്ള സ്പെഷ്യൽ അലോട്ട്മെന്റ് ലിസ്റ്റ് പ്രവേശന പരീക്ഷാ കമ്മീഷണർ (CEE) പ്രസിദ്ധീകരിച്ചു. അലോട്ട്മെന്റ് വിശദാംശങ്ങൾ ഔദ്യോഗിക വെബ്‌സൈറ്റ് വഴി പരിശോധിക്കാം.

2025-26 അധ്യയന വർഷത്തെ എം.ഫാം കോഴ്‌സ് പ്രവേശനത്തിനായുള്ള രണ്ടാം ഘട്ട അലോട്ട്മെന്റും പ്രസിദ്ധീകരിച്ചു. എം.ഫാം അലോട്ട്മെന്റ് ലിസ്റ്റും പ്രവേശന പരീക്ഷാ കമ്മീഷണറുടെ www.cee.kerala.gov.in വെബ്‌സൈറ്റിൽ ലഭ്യമാണ്.

കൂടുതൽ വിവരങ്ങൾക്കും സഹായത്തിനുമായി പ്രവേശന പരീക്ഷാ കമ്മീഷണറുടെ ഓഫീസുമായി ബന്ധപ്പെടാം. ബന്ധപ്പെട്ട ഫോൺ നമ്പറുകൾ: 0471-2332120, 0471-2338487, 0471-2525300.