മെഷീൻ ലേണിങ്; ഓൺലൈൻ സർട്ടിഫിക്കറ്റ് കോഴ്‌സിന് അപേക്ഷിക്കാം

ഐസിഫോസ് (ICFOSS) സ്വതന്ത്ര സോഫ്റ്റ്‌വെയർ അധിഷ്ഠിതമായ മെഷീൻ ലേണിങിൽ ഓൺലൈൻ സർട്ടിഫിക്കറ്റ് കോഴ്‌സ് സംഘടിപ്പിക്കുന്നു. ജനുവരി 5 മുതൽ 22 വരെ നീളുന്ന 30 മണിക്കൂർ ദൈർഘ്യമുള്ള ഈ പ്രോഗ്രാം പൂർണമായും ഓൺലൈൻ രീതിയിലാണ് നടത്തുന്നത്.

അധ്യാപകർ, വിദ്യാർഥികൾ, പ്രൊഫഷണൽസ് എന്നിവർക്കെല്ലാം ഒരുപോലെ പ്രയോജനപ്പെടുന്ന രീതിയിൽ മൂഡിൽ (Moodle) പ്ലാറ്റ്‌ഫോം ഉപയോഗിച്ചാണ് കോഴ്‌സ് രൂപകൽപ്പന ചെയ്തിരിക്കുന്നത്. പരിശീലനം വൈകുന്നേരം 6 മുതൽ 8 വരെയായിരിക്കും. ആകെ 50 പേർക്കാണ് പ്രവേശനം അനുവദിക്കുക.

താൽപ്പര്യമുള്ളവർക്ക് ജനുവരി 1 വരെ അപേക്ഷിക്കാം. കൂടുതൽ വിവരങ്ങൾക്കും രജിസ്‌ട്രേഷനും https://icfoss.in/event-details/218 എന്ന വെബ്‌സൈറ്റ് സന്ദർശിക്കാം. വിശദവിവരങ്ങൾക്ക് +91 7356610110, +91 471 2413012 / 13 / 14, +91 9400225962 എന്നീ നമ്പറുകളിൽ ബന്ധപ്പെടാം.