വിവിധ സർക്കാർ നിയമങ്ങൾക്കുള്ള അടിസ്ഥാന യോഗ്യതയായ ജൂനിയർ ഡിപ്ലോമ ഇൻ കോ-ഓപ്പറേഷൻ (JDC) പഠിക്കാൻ അവസരം. തിരുവനന്തപുരത്തെ സഹകരണ പരിശീലന കോളജ് കേന്ദ്രത്തിൽ സംഘടിപ്പിക്കുന്ന ഈ കോഴ്സിലേക്ക് ഇപ്പോൾ അപേക്ഷിക്കാം. അപേക്ഷകൾ ഓൺലൈനായി സമർപ്പിക്കേണ്ട അവസാന തീയതി 30.05.2026.
പത്താം ക്ലാസ് അടിസ്ഥാന യോഗ്യതയായി നിശ്ചയിച്ചിട്ടുള്ള ഈ കോഴ്സിൻ്റെ പഠന കാലാവധി 10 മാസം ആണ്. അപേക്ഷകൾ scu.kerala.gov.in എന്ന വെബ്സൈറ്റിലൂടെ സമർപ്പിക്കാം. സർക്കാർ ഡിപ്പാർട്ടുമെൻ്റുകളിൽ ജൂനിയർ കോ ഓപ്പറേറ്റീവ് ഇൻസ്പെക്ടർ/ഓഡിറ്റർ, കേരള ബാങ്ക് ഉൾപ്പെടെയുള്ള അപെക്സ് സ്ഥാപനങ്ങളിൽ ക്ലർക്ക് മുതൽ നേരിട്ട് നിയമനം നടത്തുന്ന ഉയർന്ന തസ്തികകൾ, സഹകരണ ബാങ്കുകളിലും സ്ഥാപനങ്ങളിലും ക്ലർക്ക് മുതൽ സെക്രട്ടറി വരെയുള്ള നിയമനങ്ങൾ എന്നിവയ്ക്കായി നിശ്ചയിച്ചിട്ടുള്ള അടിസ്ഥാന യോഗ്യതയിൽ ഒന്നാണ് ജെഡിസി (JDC).
ലളിതമായ പാഠ്യപദ്ധതിയും കുറഞ്ഞ ഫീസ് നിരക്കുമുള്ള ഈ കോഴ്സിൽ SC/ST/OEC/OBC (H) വിഭാഗങ്ങൾക്ക് ഫീസ് ആനുകൂല്യങ്ങളും ലഭിക്കും. അഡ്മിഷനുമായി ബന്ധപ്പെട്ട കൂടുതൽ വിവരങ്ങൾക്ക് 9895220155 എന്ന നമ്പറിൽ ബന്ധപ്പെടാവുന്നതാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
