നാഷണൽ ഹൈവേ അതോറിറ്റി ഓഫ് ഇന്ത്യ (NHAI) ഡെപ്യൂട്ടി മാനേജർ (ടെക്നിക്കൽ) തസ്തികയിൽ നിയമനം നടത്തുന്നു. ആകെ 60 ഒഴിവുകളാണ് പ്രഖ്യാപിച്ചിരിക്കുന്നത്. സിവിൽ എഞ്ചിനീയറിങ് വിഭാഗത്തിൽ 'ഗേറ്റ് - 2026' സ്കോർ അടിസ്ഥാനമാക്കിയാണ് ഉദ്യോഗാർഥികളെ തെരഞ്ഞെടുക്കുക. അപേക്ഷ സമർപ്പിക്കാനുള്ള അവസാന തീയതി 2026 ജൂൺ 15.
അപേക്ഷകർ അംഗീകൃത സർവകലാശാലയിലോ ഇൻസ്റ്റിറ്റ്യൂട്ടിലോ നിന്ന് സിവിൽ എഞ്ചിനീയറിങ്ങിൽ ബാച്ചിലർ ബിരുദം നേടിയിരിക്കണം.
കൂടാതെ, സിവിൽ എഞ്ചിനീയറിങ് വിഭാഗത്തിൽ സാധുവായ 'GATE 2026' സ്കോർ ഉണ്ടായിരിക്കണം.
2026 ജൂൺ 15-ന് മുമ്പ് ബിരുദ ഫലം പ്രസിദ്ധീകരിക്കാത്ത ഉദ്യോഗാർഥികൾക്കും അപേക്ഷിക്കാം.
നിയമനം ലഭിച്ചാൽ 2026 ഓഗസ്റ്റ് 31-നകം ബിരുദ സർട്ടിഫിക്കറ്റ് അല്ലെങ്കിൽ പ്രൊവിഷണൽ ഡിഗ്രി സർട്ടിഫിക്കറ്റ് സമർപ്പിക്കണം
നിശ്ചിത തീയതിക്കകം രേഖകൾ സമർപ്പിക്കാത്തപക്ഷം അവരുടെ നിയമനം റദ്ദാക്കപ്പെടും.
സിവിൽ എഞ്ചിനീയറിങ് വിഭാഗത്തിലെ ഗേറ്റ് 2026 സ്കോറിന്റെ അടിസ്ഥാനത്തിലായിരിക്കും തെരഞ്ഞെടുപ്പ്. പ്രത്യേകമായി എഴുത്തുപരീക്ഷ നടത്തില്ല.
അപേക്ഷകരുടെ എണ്ണം കൂടുതലായാൽ, ഉദ്യോഗാർഥികളെ ഷോർട്ട്ലിസ്റ്റ് ചെയ്യുന്നതിനായി പ്രത്യേക മാനദണ്ഡങ്ങൾ സ്വീകരിക്കാം.
ആവശ്യമായാൽ ഇന്ററാക്ഷൻ അല്ലെങ്കിൽ അഭിമുഖത്തിനും ഉദ്യോഗാർഥികളെ ക്ഷണിക്കും. അതിന് ശേഷമാകും അന്തിമ പട്ടിക തയ്യാറാക്കുക.
നിയമനം ലഭിക്കുന്നവർക്ക് 56,100 മുതൽ 1,77,500 രൂപ വരെ ശമ്പളം ലഭിക്കും. ഇതിന് പുറമെ മറ്റ് അലവൻസുകളും ലഭിക്കും. കൂടുതൽ വിവരങ്ങൾക്ക് വിജ്ഞാപനം സന്ദർശിക്കുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
