എസ് എൻ യൂണിവേഴ്സിറ്റി റീജിയണൽ ഡയറക്ടർ; അപേക്ഷ തീയതി നീട്ടി

കൊല്ലം: ശ്രീനാരായണഗുരു ഓപ്പൺ യൂണിവേഴ്‌സിറ്റിയുടെ കോഴിക്കോട്,തലശ്ശേരി പ്രാദേശിക കേന്ദ്രങ്ങളിലേക്ക് ഡയറക്ടർ (കരാർ തസ്തികയിൽ) നിയമനത്തിന് അപേക്ഷ അയക്കേണ്ട അവസാന തീയതി നവംബർ 22 വരെ ദീർഘിപ്പിച്ചു. ഔദ്യോഗിക വെബ്സൈറ്റ് മുഖേനയാണ് (www.sgou.ac.in) അപേക്ഷിക്കേണ്ടത്.

പ്രായപരിധി: 60. യോഗ്യത: യൂണിവേഴ്‌സിറ്റി /ഗവ./സർക്കാർ അംഗീക‍ൃത സ്വകാര്യ കോളേജുകളിൽ നിന്ന് അസോസിയേറ്റ് പ്രൊഫസർ റാങ്കിൽ കുറയാത്ത തസ്തികയിൽ വിരമിച്ച അദ്ധ്യാപകർ, അഡ്മിനിസ്ട്രേറ്റീവ് പരിചയമുള്ളവർക്ക് മുൻഗണന. പ്രതിഫലം പ്രതിമാസം: 63,000 (കരാർ വേതനം).അപേക്ഷ ഫീസായി ജനറൽ വിഭാഗത്തിന് 1000രൂപ, എസ്.സി/എസ്.ടി/ഭിന്നശേഷി വിഭാഗങ്ങൾക്ക് ഫീസില്ല.

അപേക്ഷയുടെ ഹാർഡ് കോപ്പി സർട്ടിഫിക്കറ്റുകൾ (സ്വയം സാക്ഷ്യപ്പെടുത്തിയത്) സഹിതം പുതുക്കിയ തീയതി പ്രകാരം നവംബർ 27ന് വൈകിട്ട് 5ന് മുമ്പായി ശ്രീനാരായണഗുരു ഓപ്പൺ യൂണിവേഴ്സിറ്റി, കുരീപ്പുഴ,കൊല്ലം - 691601 എന്ന വിലാസത്തിൽ ലഭിക്കണം.