എസ് എൻ യൂണിവേഴ്സിറ്റി: ഡെപ്യൂട്ടേഷൻ വ്യവസ്ഥയിൽ രജിസ്ട്രാർ തസ്തിക ഒഴിവ്

കൊല്ലം: ശ്രീനാരായണഗുരു ഓപ്പൺ യൂണിവേഴ്‌സിറ്റി രജിസ്ട്രാർ തസ്തികയിൽ ഡെപ്യൂട്ടേഷൻ വ്യവസ്ഥയിൽ തസ്തിക ഒഴിവിലേക്ക് അപേക്ഷ ക്ഷണിച്ചു.ഔദ്യോഗിക വെബ്സൈറ്റ് മുഖേന (www.sgou.ac.in) നവംബർ 22ന് മുൻപ് അപേക്ഷിക്കാം.

പ്രായപരിധി, യോഗ്യത,പ്രവർത്തി പരിചയം എന്നിവ സംബന്ധിച്ച വിശദമായ നോട്ടിഫിക്കേഷൻ യൂണിവേഴ്സിറ്റി വെബ്സൈറ്റിൽ ( www.sgou.ac.in) ലഭ്യമാണ്.അപേക്ഷ ഫീസായി ജനറൽ വിഭാഗത്തിന് 5000രൂപ, എസ്.സി/എസ്.ടി/ഭിന്നശേഷി വിഭാഗങ്ങൾക്ക് 1000 രൂപ. രജിസ്ട്രേഷൻ ഫീസ് ഓൺലൈനായി അടക്കണം.

ഓൺലൈൻ അപേക്ഷയുടെ ഹാർഡ് കോപ്പി, മറ്റു അനുബന്ധ സർട്ടിഫിക്കറ്റുകൾ സഹിതം നവംബർ 27ന് മുമ്പായി രജിസ്ട്രാർ, ശ്രീനാരായണഗുരു ഓപ്പൺ യൂണിവേഴ്സിറ്റി, കുരീപ്പുഴ,കൊല്ലം - 691601 എന്ന വിലാസത്തിൽ ലഭിക്കണം. അപേക്ഷയുമായി ബന്ധപ്പെട്ട സംശയങ്ങൾ aca3.sreenarayanaguruou@gmail.com എന്ന മെയിൽ ഐ ഡിയിലേക്ക് ഇ- മെയിൽ അയക്കേണ്ടതാണ്.