യു പി എസ് സി; 243 ഒഴിവുകളിൽ നിയമനം നടത്തുന്നു

യൂണിയൻ പബ്ലിക് സർവീസ് കമ്മീഷൻ ഗ്രൂപ്പ് ‘എ’, ഗ്രൂപ്പ് ‘ബി’ ഗസറ്റഡ് തസ്തികകളിൽ നിയമനം നടത്തുന്നു. 243 ഒഴിവുകൾ ആണ് ഉള്ളത്. അഭിഭാഷകൻ, നിയമ ഉപദേഷ്ടാവ്, ലക്ചറർ, മെഡിക്കൽ ഓഫീസർ, അക്കൗണ്ട്സ് ഓഫീസർ, അസിസ്റ്റന്റ് ഡയറക്ടർ എന്നി തസ്തികയിലാണ് നിയമനം നടത്തുന്നത്.

വിദ്യാഭ്യാസ യോഗ്യത

• നിയമ തസ്തികകൾക്ക് (അഡ്വക്കേറ്റ് & അഡ്വൈസർ തസ്തികകൾ): അംഗീകൃത സർവകലാശാലയിൽ നിന്ന് നിയമ ബിരുദം നേടിയിരിക്കണം.

• ലക്ചറർ (ഉറുദു): ഉറുദുവിൽ ബിരുദാനന്തര ബിരുദവും ബി.എഡും ആവശ്യമാണ്.

• മെഡിക്കൽ ഓഫീസർ: 2019 ലെ നാഷണൽ മെഡിക്കൽ കമ്മീഷൻ ആക്ടിന്റെ ആറാം അധ്യായത്തിൽ ഉൾപ്പെടുത്തിയിട്ടുള്ള അംഗീകൃത എംബിബിഎസ് ബിരുദ യോഗ്യത.

• അക്കൗണ്ട്സ് ഓഫീസർ: അംഗീകൃത സർവകലാശാലയിൽ നിന്നോ സ്ഥാപനത്തിൽ നിന്നോ ബിരുദം.

• അസിസ്റ്റന്റ് ഡയറക്ടർ: സോഷ്യൽ വർക്ക്, സോഷ്യോളജി, ഇക്കണോമിക്സ്, ആന്ത്രോപോളജി, സ്റ്റാറ്റിസ്റ്റിക്സ്, സൈക്കോളജി, അല്ലെങ്കിൽ മാത്തമാറ്റിക്സ് (സ്റ്റാറ്റിസ്റ്റിക്സിനൊപ്പം) എന്നിവയിൽ ബിരുദാനന്തര ബിരുദം.

ഡൽഹി, മുംബൈ, കൊൽക്കത്ത, ചെന്നൈ, ബെംഗളൂരു, ലഡാക്ക് തുടങ്ങിയ സ്ഥലങ്ങളിലാണ് ഒഴിവുകൾ ഉള്ളത്. ഓൺലൈൻ അപേക്ഷകൾ സമർപ്പിക്കേണ്ട അവസാനതീയതി ഒക്ടോബർ 02. നേരിട്ട് അപേക്ഷസമർപ്പിക്കേണ്ട അവസാനതീയതി ഒക്ടോബർ 03. ഏക്സ്‌പീരിയൻസ്,ഉയർന്ന പ്രായ പരിധി,തെരഞ്ഞെടുപ്പ് പ്രക്രിയ എന്നിവ അറിയാൻ സന്ദർശിക്കുക https://upsc.gov.in/