വിവാഹ ശേഷം സിനിമയിലേക്ക് മടങ്ങിവരുമോ എന്ന ചോദ്യത്തിന് നസ്രിയ ആരാധകര്‍ക്ക് വ്യക്തമായ മറുപടി നല്‍കിയിരുന്നില്ല. എന്നാലിപ്പോള്‍ നസ്രിയ വീണ്ടും സിനിമയിലേക്ക് വരുന്ന എന്ന വാര്‍ത്തയാണ് ആരാധകര്‍ക്കിടയിലേക്ക് വരുന്നത്.
ദുല്‍ഖര്‍ സല്‍മാന്‍ വീണ്ടുമൊരു ട്രാവല്‍ മൂവിയുമായി വരുന്നു എന്ന കാര്യം നേരത്തെ പുറത്തുവന്നിരുന്നു. ഈ സിനിമയിലൂടെയായിരിക്കും നസ്രിയ അഭിനയത്തിലേക്ക് മടങ്ങിയെത്തുക എന്നാണ് സൂചന. നസ്രിയയുടെ വരവിനെ സംബന്ധിച്ച അണിയറയില്‍ ചര്‍ച്ചകള്‍ പുരോഗമിക്കുകയാണ്.
നസ്രിയ ഉള്‍പ്പെടെ നാല് നായികമാരായിരിക്കും സിനിമയില്‍ ഉണ്ടാവുക. നിവേത പെതുരാജായിരിക്കും ഒരു നായിക. അക്ഷര ഹസനും ദുല്‍ഖറിന്റെ ഈ സിനിമയിലേക്ക് എത്തിയേക്കും. എന്നാല്‍ ഇതുമായി ബന്ധപ്പെട്ട് സിനിമയുടെ അണിയറ പ്രവര്‍ത്തകരുടെ ഭാഗത്ത് നിന്നും സ്ഥിരീകരണം ഉണ്ടായിട്ടില്ല.
പുതുമുഖ സംവിധായകനായ റാ കാര്‍ത്തികാണ് ദുല്‍ഖറിന്റെ അടുത്ത ട്രാവല്‍ മൂവി സംവിധാനം ചെയ്യുക. ദുല്‍ഖര്‍ ഫ്രീ ആകുന്നതോടെ ഈ വര്‍ഷം ഡിസംബറില്‍ തന്നെ സിനിമയുടെ ഷൂട്ടിങ് തുടങ്ങിയേക്കും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
