താരസംഘടനയിലെ നിര്ഗുണന്മാരോട് പറഞ്ഞിട്ട് കാര്യമില്ല, അതുകൊണ്ടാണ് മിണ്ടാതിരിക്കുന്നത്: കമല്
അമ്മയില് നിന്നും രാജിവെച്ച നടിമാര്ക്ക് പിന്തുണയുമായി ചലച്ചിത്ര അക്കാദമി ചെയര്മാനും സംവിധായകനുമായ കമല്. ഒറ്റപ്പെടലും തൊഴിലും പരിഗണിക്കാതെ നാലു പെണ്കുട്ടികള് മുന്നോട്ടുവന്നത് ചരിത്രമാണെന്ന് കമല് പറഞ്ഞു.
മലയാള സിനിമ ആവിഷ്കാരത്തിലും തൊഴിലിടത്തിലും സ്ത്രീവിരുദ്ധമാണെന്നും മഹാന്മാരെന്നു നമ്മള് കരുതുന്ന ചലച്ചിത്രകാരന്മാരും എഴുത്തുകാരും നടന്മാരുമെല്ലാം ഇതിന് ഉത്തരവാദികളാണെന്നും കമല് പറഞ്ഞു. താരസംഘടനയിലെ നിര്ഗുണന്മാരോട് പറഞ്ഞിട്ട് കാര്യമില്ലാത്തതുകൊണ്ടാണ് മിണ്ടാതിരിക്കുന്നതെന്നും 35വര്ഷത്തെ തന്റെ അനുഭവത്തില് നിന്ന് തിരിച്ചറിഞ്ഞതാണിതെന്നും അദ്ദേഹം പറഞ്ഞു.
500അംഗങ്ങളുള്ള സംഘടനയില് സജീവമായി അഭിനയരംഗത്തുള്ളത് 50പേര് മാത്രമാണെന്നും ബാക്കി 450പേരും ഔദാര്യത്തിനായി കാത്തുനിര്ക്കുന്നവരാണെന്നും കമല് പറയുന്നു. അതുകൊണ്ടുതന്നെ സംഘടനയില് ഒരിക്കലും ജനാതിപത്യം ഉണ്ടാകില്ലെന്ന് കമല് അഭിപ്രായപ്പെട്ടു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ