ലോകം മുഴുവൻ നെഞ്ചേറ്റിയ 'വെളിപാടിന്റെ പുസ്തകം' എന്ന ചിത്രത്തിലെ 'ജിമിക്കി കമ്മല്‍' എന്ന ഗാനത്തിന്റെ ഒഫീഷ്യൽ വീഡിയോ ഇനി യൂട്യൂബിൽ കാണില്ല. ചിത്രത്തിന്റെ കോപ്പിറൈറ്റ് ഒരു സ്വകാര്യ ടെലിവിഷന്‍ ചാനലിനാണ് നല്‍കിയത്. പക്ഷേ, ഗാനം യൂട്യൂബില്‍ അപ് ലോഡ് ചെയ്തത് മറ്റൊരു സ്വകാര്യ കമ്പനിയായിരുന്നു. ഇവര്‍ക്കെതിരെ ചാനല്‍ നല്‍കിയ പരാതിയുടെ അടിസ്ഥാനത്തിലാണ് വീഡിയോ ഒഴിവാക്കിയ നടപടി. അനില്‍ പനച്ചൂരാന്റെ വരികള്‍ക്ക് ഷാന്‍ റഹ്മാന്‍ ഈണം നല്‍കി വിനീത് ശ്രീനിവാസന്‍, രഞ്ജിത് ഉണ്ണി എന്നിവര്‍ ചേര്‍ന്നാണ് ഗാനം ആലപിച്ചത്. പ്രായ ഭേദമെന്യേ എല്ലാവരും എറ്റെടുത്ത ഗാനത്തിന്റെ പല വേര്‍ഷനുകളും നൃത്താവിഷ്‌കാരങ്ങളും കൊണ്ട് സാമൂഹിക മാധ്യമങ്ങള്‍ നിറഞ്ഞിരുന്നു. യൂട്യൂബില്‍ ഏറ്റവുമധികം ആളുകള്‍ കണ്ട മലയാള ഗാനമായിരുന്ന ജിമിക്കി കമ്മല്‍ വിദേശ രാജ്യങ്ങളിൽ പോലും വമ്പൻ ചലനങ്ങളാണ് സ‌ൃഷ്ടിച്ചത്. ചിത്രം ഇറങ്ങി ഒരു വര്‍ഷം കഴിഞ്ഞിട്ടും ജിമിക്കി കമ്മല്‍ ഉയര്‍ത്തിയ തരംഗം ഇപ്പോഴും അവസാനിച്ചിട്ടില്ല.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
