പൃഥ്വിരാജിനെ നായകനാക്കി ജയ് കൃഷ്ണ സംവിധാനം ചെയ്ത മലയാള ഹൊറർ ചിത്രം ‘എസ്ര’യുടെ ഹിന്ദി റീമേക്ക് ടീസർ പുറത്ത്. ഇമ്രാൻ ഹാഷ്‍മിയാണ് ബോളിവുഡിൽ നായകനായെത്തുന്നത്. ‘ഡിബുക്ക്’ എന്നാണ് ഹിന്ദിയിൽ ചിത്രത്തിന്റെ പേര്.
ജയ്കൃഷ്ണൻ തന്നെയാണ് ഹിന്ദിയിലും തിരക്കഥയും സംവിധാനവും. നികിത ദത്ത, മാനവ് കൗൾ എന്നിവരാണ് മറ്റ് താരങ്ങൾ.
മലയാളത്തിൽ പൃഥ്വി, ഹിന്ദിയിൽ ഇമ്രാൻ ഹാഷ്മി
2017ലാണ് മലയാളത്തിൽ എസ്ര റിലീസ് ചെയ്തത്. പൃഥ്വിരാജ്, ടൊവിനോ തോമസ്, പ്രിയ ആനന്ദ് തുടങ്ങിയവരായിരുന്നു ചിത്രത്തിൽ പ്രധാന വേഷങ്ങളിലെത്തിയത്. മലയാളത്തിൽ പൃഥ്വി അവതരിപ്പിച്ച കഥാപാത്രത്തെയാണ് ഹിന്ദിയിൽ ഇമ്രാൻ ഹാഷ്മി അവതരിപ്പിക്കുന്നത്.
റിലീസ് ഒക്ടോബർ 29ന്
സുജിത് വാസുദേവ് ആണ് ചിത്രത്തിന്റെ ഛായാഗ്രാഹണം നിർവഹിക്കുന്നത്. മുംബൈയിലും മൗറീഷ്യസിലുമായാണ് ഷൂട്ടിങ്. ഒക്ടോബർ 29ന് ചിത്രം ആമസോൺ പ്രൈമിലൂടെ റിലീസ് ചെയ്യും.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
