പാൻ ഇന്ത്യൻ സിനിമയുമായി അപ്പാനി ശരത്ത്; 'പോയിന്റ് ബ്ലാങ്ക്' 

'അങ്കമാലി ഡയറീസ്' എന്ന കന്നി ചിത്രത്തിലൂടെ തന്നെ ആരാധകരെ സ്വന്തമാക്കിയ നടനാണ് അപ്പാനി ശരത്ത്. സിനിമയിലെത്തിയിട്ട് അഞ്ച് വർഷം പിന്നിടുമ്പോൾ ഒരു പാൻ ഇന്ത്യൻ സിനിമയുടെ വിശേങ്ങളാണ് അപ്പാനി ശരത്ത് പങ്കുവയ്ക്കുന്നത്. താരത്തിന്റെ പിറന്നാൾ ദിനം കൂടിയായ വിഷു നാളിൽ ആദ്യ നിർമാണ സംരംഭം പ്രഖ്യാപിച്ചിരിക്കുകയാണ് താരം. 

'പോയിന്റ് ബ്ലാങ്ക്' എന്ന ചിത്രത്തിലൂടെയാണ് ശരത്ത് നിർമ്മാണ മേഖലയിലേക്ക് കടക്കുന്നത്. അപ്പാനി ശരത്ത് തന്നെ നായകനാകുന്ന ചിത്രത്തിൽ മലയാളത്തിലേയും തമിഴിലേയും പ്രമുഖ താരങ്ങൾ അഭിനയിക്കുന്നുണ്ട്. തിയ്യാമ്മ പ്രൊഡക്ഷൻസ് എന്നാണ് ശരത് തന്റെ പുതിയ പ്രൊഡക്ഷൻ കമ്പനിക്ക് പേരിട്ടിരിക്കുന്നത്. ഈ ചിത്രത്തിൽ ശരത്തിന് പുറമെ ഡി.എം പ്രൊഡക്ഷൻസിൻ്റെ ബാനറിൽ ഷിജി മുഹമ്മദും നിർമ്മാണ പങ്കാളിത്തം വഹിക്കുന്നു.

സൈനു ചാവക്കാടൻ്റെ സംവിധാനത്തിൽ ഒരുങ്ങുന്ന റോഡ് മൂവി ആണ് 'പോയിന്റ് ബ്ലാങ്ക്'. മലയാളത്തിന് പുറമെ തമിഴ്, തെലുങ്ക്, കന്നഡ, ഹിന്ദി ഭാഷകളിലായി പാൻ ഇന്ത്യ റിലീസായിട്ടാണ് ചിത്രമൊരുക്കുന്നത്. ഓഗസ്റ്റ് 17ന് ഗോവയിൽ ചിത്രീകരണം ആരംഭിക്കാൻ ആണ് പദ്ധതി. മാഹി, ചെന്നൈ, കൊച്ചി, ട്രിച്ചി എന്നിവിടങ്ങളാണ് മറ്റ് ലൊക്കേഷനുകൾ. 

ഈ വാര്‍ത്ത കൂടി വായിക്കൂ

'കശ്മീർ ഫയൽസി'ന് പിന്നാലെ 'ദ ഡൽഹി ഫയൽസ്'; ജോലി തുടങ്ങേണ്ട സമയമായെന്ന് വിവേക് അ​ഗ്നിഹോത്രി 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ