വർഷങ്ങൾക്കു ശേഷം മലയാളത്തിലെ യുവതാരനിരയ്ക്കൊപ്പം ഒന്നിക്കാൻ സംവിധായകൻ പ്രിയദർശൻ. ഷെയിൻ നിഗം നായകനാക്കിയാണ് പ്രിയദർശൻ സിനിമയെടുക്കാൻ ഒരുങ്ങുന്നത്. ഷൈൻ ടോം ചാക്കോയും ചിത്രത്തിൽ പ്രധാന വേഷത്തിലെത്തുന്നുണ്ട്. യുവതാരങ്ങൾക്കൊപ്പമുള്ള പ്രിയദർശന്റെ ഫോട്ടോ സോഷ്യൽ മീഡിയയിൽ വൈറലാവുകയാണ്. നിർമാതാവ് എൻഎം ബാദുഷയാണ് വിവരം പുറത്തുവിട്ടത്.
മരക്കാറിനു ശേഷം പ്രിയദർശൻ സംവിധാനം ചെയ്യുന്ന ചിത്രമാണ് ഇത്. പ്രിയദർശന്റെ തന്നെ സ്റ്റുഡിയോ കമ്പനിയായ ഫോർ ഫ്രെയിംസ് ആദ്യമായി നിർമാണം നിർവഹിക്കുന്ന ചിത്രമാണിത്.കൂടാതെ എൻ എം ബാദുഷ, ഷിനോയ് മാത്യു എന്നിവരും നിർമാതാക്കളായി എത്തുന്നുണ്ട്. അർജുൻ അശോകൻ, സിദ്ദിഖ്, ജോണി ആന്റണി, മണിയൻപിള്ള രാജു, അപ്പാനി ശരത് തുടങ്ങിയവരാണ് മറ്റു താരങ്ങൾ. നായികയ്ക്ക് വേണ്ടി ഉള്ള കാസ്റ്റിംഗ് നടന്നു വരികയാണ്.
സിനിമയുടെ തിരക്കഥ എഴുതുന്നതും പ്രിയദർശൻ തന്നെയാണ്. ചിത്രത്തിന്റെ ഷൂട്ടിങ് സെപ്തംബറിൽ ആരംഭിക്കും. പുതുതലമുറയിൽപ്പെട്ട നടീനടന്മാരെ അണിനിരത്തി ആദ്യമായാണ് പ്രിയദർശൻ ഒരു ചലച്ചിത്രം അണിയിച്ചൊരുക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്ട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള് അറിയാന് ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ