"ഈ സ്വർഗത്തിൽ വീണ്ടുമെത്തിയിരിക്കുന്നു"; ബിക്കിനി ഫോട്ടോഷൂട്ട് പങ്കുവച്ച് അഹാന

പ്രിയപ്പെട്ട ഒരിടത്തേക്ക് വീണ്ടും എത്തിയതിന്റെ സന്തോഷമാണ് അഹാന പങ്കുവച്ചിരിക്കുന്നത്.

അഹാന കൃഷ്ണ

സോഷ്യൽമീഡിയയിൽ സജീവമായ മലയാള നടിമാരിൽ ഒരാളാണ് അഹാന കൃഷ്ണ. അഹാന മാത്രമല്ല അഹാനയുടെ വീട്ടിലെ എല്ലാവരും സോഷ്യൽ മീഡിയയിൽ തിളങ്ങിനിൽക്കുന്നവരാണ്. ഇൻസ്റ്റഗ്രാമിലൂടെയും യൂട്യൂബ് വിഡിയോകളിലൂടെയും വിശേഷങ്ങളെല്ലാം ഇവർ ആരാധകരുമായി പങ്കുവയ്ക്കാറുണ്ട്. യാത്രകൾ ഏറെ ഇഷ്ടപ്പെടുന്ന അഹാന പ്രിയപ്പെട്ട ഒരിടത്തേക്ക് വീണ്ടും എത്തിയതിന്റെ സന്തോഷമാണ് ഇപ്പോൾ പങ്കുവച്ചിരിക്കുന്നത്.

"രണ്ടുവർഷം മുമ്പ് ഉപേഷിച്ച എന്റെ ഹൃദയത്തിന്റെ ഭാഗം തിരഞ്ഞ് ഈ സ്വർഗത്തിൽ വീണ്ടുമെത്തിയിരിക്കുന്നു. അവിടമാണ് മാലദ്വീപ്", എന്ന് കുറിച്ച് മാലിദ്വീപിൽ നിന്നുള്ള ബിക്കിനി ഫോട്ടോഷൂട്ടാണ് അഹാന പങ്കുവച്ചത്. നേരത്തെ സഹോദരിമാരായ ദിയ, ഇഷാനി എന്നിവർക്കൊപ്പം അഹാന മാലിദ്വീപിൽ എത്തിയിരുന്നു. അന്ന് അവധിയാഘോഷങ്ങളുടെ വിഡിയോ അടക്കം പങ്കുവച്ച് മാലിദ്വീപിനോടുള്ള ഇഷ്ടം താരം പങ്കുവച്ചിട്ടുണ്ട്.