തെലുങ്ക് നടൻ നാഗചൈതന്യയും നടി ശോഭിത ധൂലിപാലയും പ്രണയത്തിലാണെന്ന വാർത്ത കുറച്ചുദിവസങ്ങളായി സോഷ്യൽമീഡിയയിലടക്കം പ്രചരിക്കുകയാണ്. എന്നാൽ ഈ വിഷയം പ്രചരിപ്പിക്കുന്നത് നാഗചൈതന്യയുടെ മുൻഭാര്യയും നടിയുമായ സാമന്തയുടെ പി ആർ ടീമാണെന്നാണ് ഇതിന് പിന്നാലെ വന്ന ആരോപണം. നാഗചൈതന്യയുടെ പ്രതിച്ഛായ തകർക്കാനുള്ള ശ്രമമാണെന്നാണ് പലരും വിമർശിച്ചത്. ഇത്തരം വിവാദങ്ങൾക്കെതിരെ രംഗത്തെത്തിയിരിക്കുകയാണ് സാമന്ത.
പെണ്ണിനെതിരെ ഗോസിപ്പ് വന്നാൽ അത് സത്യം. ആണിനെതിരെ വന്നാൽ അത് പെൺകുട്ടി ഉണ്ടാക്കിയത്. ഒന്ന് പക്വത വെച്ചുകൂടേ? ആദ്യം നിങ്ങൾ നിങ്ങളുടെ ജോലിയും കുടുംബവും നോക്കൂ, ട്വിറ്ററിൽ സാമന്ത കുറിച്ചു.
2021 ഒക്ടോബറിലാണ് നാല് വർഷത്തെ ദാമ്പത്യജീവിതത്തിന് ശേഷം നാഗചൈതന്യയും സാമന്തും വേർപിരിയൽ പ്രഖ്യാപിച്ചത്. ഈ വിഷയവുമായി ബന്ധപ്പെട്ട ആളുകൾ അതിൽ നിന്നെല്ലാം പുറത്തുകടന്നെന്നും നിങ്ങളും ഇതെല്ലാം വിട്ട് സ്വന്തം ജോലിയും കുടുംബവുമായി മുന്നോട്ടുപോകൂ എന്നുമാണ് സാമന്ത പറയുന്നത്.
ഈ വാര്‍ത്ത കൂടി വായിക്കാം
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
