ജിമ്മിൽ വച്ച് യുവതിയെ ഭീഷണിപ്പെടുത്തി; നടനെതിരെ കേസ്

മുംബൈ: 43കാരിയെ ജിമ്മിൽ വച്ച് ഭീഷണിപ്പെടുത്തുകയും അപകീർത്തികരവുമായി പോസ്റ്റുകൽ സാമൂഹിക മാധ്യമത്തിൽ പങ്കുവയ്ക്കുകയും ചെയ്തതിന് ബോളിവുഡ് താരവും ഫിറ്റ്നസ് ട്രെയിനറുമായ സഹീൽ ഖാനും മറ്റൊരു സ്ത്രീക്കുമെതിരെ എഫ്ഐഐആർ രജിസ്റ്റർ ചെയ്തതായ മുംബൈ  പൊലീസ്. ഫെബ്രുവരിയിൽ പണത്തെ ചൊല്ലി ജിമ്മിൽ വച്ച് ഒരു സ്ത്രീയുമായി വഴക്കുണ്ടായതായി ഓഷിവാരയിൽ താമസിക്കുന്ന പരാതിക്കാരിയായ യുവതി പറയുന്നു.

കുറ്റാരോപിതയും സ​ഹീൽഖാനും  യുവതിയെ അപമാനിക്കുകയും ഭീഷണിപ്പെടുത്തിയതായും പരാതിയിൽ പറയുന്നു. ഇരുവരും തനിക്കും കുടുംബത്തിനുമെതിരെ അപകീർത്തികരമായ പരാമർശങ്ങൾ സാമൂഹിക മാധ്യമങ്ങളിൽ പങ്കുവച്ചതായും യുവതിയുടെ പരാതിയിൽ പറയുന്നു.

ഇരുവർക്കുമെതിരെ ഭീഷണിപ്പെടുത്തൽ, അപകീർത്തിപ്പെടുത്തൽ തുടങ്ങി വിവിധ വകുപ്പുകൾ പ്രകാരം കേസ് എടുത്തതായി പൊലീസ് അറിയിച്ചു. അതേസമയം ആരോപണ വിധേയായ യുവതിക്ക് പരാതിക്കാരിയുടെ ഭർത്താവുമായി ബന്ധമുണ്ടെന്നും ഇയാൾക്കെതിരെ കേസ് എടുത്തതായും പൊലീസ് പറഞ്ഞു.

ഈ വാർത്ത കൂടി വായിക്കൂ 

ആദ്യത്തെ കൺമണി വരുന്നു; മൂന്നു മാസം സിനിമയിൽ നിന്ന് ഇടവേളയെടുക്കാൻ രാം ചരൺ

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ