ഇന്ത്യയുടെ ചന്ദ്രയാൻ 3 പേടകം ചന്ദ്രനിൽ ലാൻഡിങ് നടത്തുന്ന നിമിഷത്തിനായി ശ്വാസമടക്കി കാത്തിരിക്കുകയാണെന്ന് നടി കരീന കപൂർ. ശാസ്ത്രലോകം ആകാംക്ഷയോടെ കാത്തിരിക്കുന്ന ആ അഭിമാനനേട്ടത്തിലേക്ക് ഇനി ഒരേ ഒരു ദിവസം കൂടി. "ഇന്ത്യയെ സംബന്ധിച്ചിടത്തോളം ഇത് ഒരു മികച്ച നീക്കമാണ്, ഓരോ ഇന്ത്യക്കാരനും അഭിമാന നിമിഷം. ഹൃദയത്തിൽ നമുക്ക് ആ അഭിമാനം അനുഭവപ്പെടും", കരീന പറഞ്ഞു. ചന്ദ്രയാൻ 3 ലാൻഡിങ് നടത്തുന്നത് മക്കൾക്കൊപ്പം കാണാനാണ് തീരുമാനമെന്നും കരീന പറഞ്ഞു.
നാളെ വൈകീട്ട് 6.04-ന് ചന്ദ്രയാൻ 3 ചന്ദ്രനിൽ തൊടുമെന്നാണ് ഇന്ത്യൻ ബഹിരാകാശ ഗവേഷണ സംഘടന (ഐഎസ്ആർഒ) അറിയിച്ചിരിക്കുന്നത്. ഇന്ത്യക്കാരായ നമ്മളെല്ലാവരും ഈ നിമിഷം കാണാനായി കാത്തിരിക്കുകയാണ്. ഒരുപാടുപേർ അത് കണ്ട് കോരിത്തരിക്കുമെന്ന് ഉറപ്പാണ്, കരീന പറഞ്ഞു.
ജൂലായ് 14-ന് ഉച്ചകഴിഞ്ഞ് 2.35-നാണ് ചന്ദ്രയാൻ-3 പേടകം ശ്രീഹരിക്കോട്ടയിലെ സതീഷ് ധവാൻ സ്പേസ് സെന്ററിൽനിന്ന് മാർക്ക്-3 റോക്കറ്റിൽ കുതിച്ചുയർന്നത്. ഓഗസ്റ്റ് ഒന്നിന് പേടകത്തെ ഭൂമിക്ക് ചുറ്റുമുള്ള ഭ്രമണപഥത്തിൽനിന്ന് വേർപെടുത്തി. ഓഗസ്റ്റ് അഞ്ചിന് ചന്ദ്രന്റെ ചുറ്റുമുള്ള ഭ്രമണപഥത്തിലെത്തിച്ചു.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
