പ്രശസ്ത കന്നഡ-തെലുങ്ക് നടന്‍ ദീക്ഷിത് ഷെട്ടി മലയാളത്തിലേക്ക്. സോജന്‍ ജോസഫ് സംവിധാനം ചെയ്യുന്ന ചിത്രമായ ഒപ്പീസിലൂടെയാണ് ദീക്ഷിതിന്റെ മലയാളത്തിലേക്കുള്ള ചുവടുവെപ്പ്. ദീക്ഷിതിനൊപ്പം ഷൈന്‍ ടോം ചാക്കോയും ചിത്രത്തില്‍ കേന്ദ്രകഥാപാത്രത്തെ അവതരിപ്പിക്കുന്നു.
ദര്‍ശന നായരാണ് നായിക. ഇഷാ തല്‍വാര്‍ കുറച്ചുനാളത്തെ ഇടവേളക്കുശേഷം മലയാളത്തിലെത്തുന്ന ചിത്രം കൂടിയാണ് ഒപ്പീസ്. കഴിഞ്ഞ പതിനെട്ട് വര്‍ഷമായി ബോളിവുഡ് സിനിമകളിലും പരസ്യചിത്രങ്ങളിലും പ്രവര്‍ത്തിച്ചു പോരുന്ന സോജന്‍ ജോസഫ് കോപ്പയിലെ കൊടുങ്കാറ്റ്, അലര്‍ട്ട് 24/7എന്നീ ചിത്രങ്ങള്‍ സംവിധാനം ചെയ്തിട്ടുണ്ട്.
ആകര്‍ഷന്‍ എന്റര്‍ടൈന്‍മെന്റ് പ്രൈവറ്റ് ലിമിറ്റഡിന്റെ ബാനറില്‍ പ്രദ്യുമന കൊളേഗല്‍ ആണ് ഒപ്പീസ് നിര്‍മിക്കുന്നത്. റഫീഖ് അഹമ്മദ്, ബി.കെ ഹരി നാരായണന്‍, മനോജ് യാദവ് എന്നിവരുടെ വരികള്‍ക്ക് എം ജയചന്ദ്രന്‍ സംഗീതം ഒരുക്കുന്നു. മലയാളിയും ബോളിവുഡ് ഛായാഗ്രാഹകനുമായ സന്തോഷ് തുണ്ടിയിലാണ് കാമറാമാന്‍. ഷൈന്‍ ടോം ചാക്കോയും ദീക്ഷിത് ഷെട്ടിയും ഒന്നിച്ചഭിനയിച്ച ദസര വന്‍ വിജയം നേടിയിരുന്നു.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
