ഗം​ഗയിൽ മുങ്ങിനിന്ന് പ്രാർത്ഥിച്ച് ലെന; ആ​ദ്യ ഋഷികേശ് യാത്രയിലെ ചിത്രങ്ങളുമായി താരം

മികച്ച കഥാപാത്രങ്ങളിലൂടെ പ്രേക്ഷകരുടെ കയ്യടി നേടാറുള്ള താരമാണ് ലെന. താരത്തിന് യാത്രകളോടുള്ള സ്നേഹവും പ്രശസ്തമാണ്. താൻ നടത്താറുള്ള യാത്രകളുടെ വിശേഷം ലെന സോഷ്യൽ മീഡിയയിൽ പങ്കുവെക്കാറുണ്ട്. ഇപ്പോൾ ഋഷികേശ് യാത്രയിലാണ് താരം. ലെന പങ്കുവച്ച ചിത്രമാണ് ഇപ്പോൾ ശ്രദ്ധനേടുന്നത്. 

അതിരാവിലെ ​ഗം​ഗയിൽ മുങ്ങി നിന്ന് കൈകൂപ്പ് പ്രാർത്ഥിക്കുന്ന ലെനയെയാണ് ചിത്രത്തിൽ കാണുന്നത്. തന്റെ ആദ്യ ഋഷികേശ് യാത്രയാണെന്നും താരം കുറിക്കുന്നുണ്ട്. നിരവധി പേരാണ് പോസ്റ്റിന് താഴെ കമന്റുമായി എത്തുന്നത്. വളരെ മനോഹരമായ അനുഭവം, ദൈവീകം തുടങ്ങിയ കമന്റുകളാണ് വരുന്നത്. 

അടുത്തിടെയാണ് ലെന സിനിമയിൽ 25 വർഷം പൂർത്തിയാക്കിയത്. ജയരാജ് സംവിധാനം ചെയ്ത സ്നേഹം എന്ന ചിത്രത്തിലൂടെയാണ് വെള്ളിത്തിരയിൽ എത്തുന്നത്. സ്നേഹത്തിലേക്ക് തന്നെ തെരഞ്ഞെടുത്തതിന് ജയരാജിന് നന്ദി പറഞ്ഞുകൊണ്ടാണ് ലെന സന്തോഷം പങ്കുവച്ചത്.  എന്നാലും ന്റെ അളിയാ ആണ് അവസാനമായി പുറത്തിറങ്ങിയ ചിത്രം. 

ഈ വാര്‍ത്ത കൂടി വായിക്കൂ 

'ഒഴിവാക്കാൻ കഴിയാത്ത ചില കാരണങ്ങൾ', ഭാവനയുടെ 'ന്റിക്കാക്കയ്ക്കൊരു പ്രേമണ്ടാർന്ന്' ഇന്ന് എത്തില്ല; റിലീസ് മാറ്റി

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ