സ്റ്റേജിൽ നിന്നും വലിച്ചിറക്കി തല്ലി, സോനു നി​ഗത്തിന് നേരെ എംഎൽഎ പുത്രന്റെ ക്രൂര മർദനം- വിഡിയോ

മുംബൈ: സം​ഗീത പരിപാടിക്കിടെ ഗായകൻ സോനു നി​ഗത്തിന് നേരെ ശിവസേന എംഎൽഎയുടെ മകന്റെ ക്രൂര മർദനം. മുംബൈയിൽ ചെമ്പൂർ ഫെസ്റ്റിവലിനോടനുബന്ധിച്ച് നടന്ന പരിപാടിക്കിടെയാണ് സംഭവം.

നാലു ദിവസമായി തുടരുന്ന പരിപാടിയുടെ അവസാന ദിനമായ തിങ്കളാഴ്ചയായിരുന്നു സോനു എത്തിയത്. സം​ഗീത പരിപാടി അവസാനിച്ചപ്പോൾ സെൽഫിയെടുക്കണമെന്ന് ആവശ്യപ്പെട്ട് എംഎൽഎ പ്രകാശ് ഫതേർപെക്കറിന്റെ പുത്രനും സംഘവും സ്റ്റേജിൽ കയറാൻ ശ്രമിച്ചു.

#Breaking

Singer Sonu Nigam who raised his voice about Azan Loudspeakers attacked by Janab Uddhav Thackeray MLA Prakash Phaterpekar and his goons in music event at Chembur. Sonu has been taken to the hospital nearby. pic.twitter.com/32eIPQtdyM

— Sameet Thakkar (@thakkar_sameet) February 20, 2023

ഇത് സോനുവിന്റെ സുരക്ഷാ ഉദ്യോ​ഗസ്ഥൻ തടയുകയും സംഘർഷത്തിൽ കലാശിക്കുകയുമായിരുന്നു. സോനുവിനെ സംഘം സ്റ്റേജിൽ നിന്നും വലിച്ചിറക്കി തല്ലി. സംഭവത്തിന്റെ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്. ഇതോടെ പ്രതിഷേധിച്ച് ആരാധകരും രം​ഗത്തെത്തി.

എന്നാൽ സോനു നി​ഗം ഇതുവരെ സംഭവത്തിൽ പ്രതികരിച്ചിട്ടില്ല. സോനു നിഗത്തിന്റെ ആരോ​ഗ്യനില തൃപ്‌തികരമെന്ന് ഡോക്ടർമാർ അറിയിച്ചു. സോനുവിന്റെ സുരക്ഷാ ഉദ്യോ​ഗസ്ഥർക്ക് പരിക്കേറ്റിട്ടുണ്ട്. ഇവർ ഇപ്പോൾ ചികിത്സയിലാണ്. 

ഈ വാര്‍ത്ത കൂടി വായിക്കൂ

ഷാറൂഖിന്റെ രാജകീയ തിരിച്ചുവരവ്‌, റെക്കോര്‍കൾ തകർത്ത് 1000 കോടി ക്ലബിൽ 'പത്താൻ'

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ