ഒറ്റനോട്ടത്തിൽ ശോഭന തന്നെ. കർണാടിക് സംഗീതജ്ഞ ശിവശ്രീ സ്കന്ദയുടെ വീഡിയോയും ചിത്രങ്ങളും കണ്ടാൽ സാക്ഷാൽ ശോഭനയും ഇതു തന്നെ പറയും. ചലചിത്ര താരങ്ങളുടെ രൂപ സാദൃശ്യമുള്ള നിരവധിയാളുകൾ സോഷ്യൽ മീഡിയയിൽ വൈറലാകാറുണ്ട്. നടിയുടെ പഴയ ലുക്കിനെ ഓർമിപ്പിക്കും വിധത്തിലുള്ളതാണ് ശിവശ്രീയുടെ ചിത്രങ്ങൾ. നിരവധി പേരാണ് മുഖസാദൃശ്യം കണ്ട് അമ്പരന്നിരിക്കുന്നത്. ഇത് ശോഭന തന്നെയല്ലേ എന്നാണ് പലരും ചോദിക്കുന്നത്.
പ്രശസ്ത കർണാടിക് സംഗീതജ്ഞയും നർത്തകിയുമാണ് ശിവശ്രീ സ്കന്ദ. മ്യൂസിക് അക്കാദമി, നാരദ ഗാനസഭ, ശ്രീകൃഷ്ണ ഗാനസഭ, ബ്രഹ്മഗാനസഭ തുടങ്ങിയ വേദികളിൽ ഒരു ദശാബ്ദത്തിലേറെയായി അവർ പാട്ടും നൃത്തവും അവതരിപ്പിക്കുന്നുണ്ട്. ബിടെക് ബിരുദധാരിയാണ്. ഭരതനാട്യത്തിൽ ബിരുദാനന്തര ബിരുദവും നേടിയിട്ടുണ്ട്. പിതാവ് സ്കന്ദപ്രസാദ് പ്രഗത്ഭനായ മൃദംഗ വിദ്വാനാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
