'വീട്ടുകാർക്കൊപ്പം ഒരു വെറൈറ്റിക്ക് ചെക്കന്റെ വീടുകാണാൻ ഞാനും വന്നു', വിവാഹ തീയതി സസ്പെൻസ്, വീഡിയോയുമായി മാളവിക

റിയാലിറ്റി ഷോയിലൂടെ ശ്രദ്ധേയരായ മാളവിക കൃഷ്ണദാസും തേജസ് ജ്യോതിയും സമൂഹമാധ്യമങ്ങളിലും വൈറൽ ജോഡിയാണ്. പെണ്ണുകാണൽ മുതലുള്ള എല്ലാ കാര്യങ്ങളും തന്റെ യുട്യുബ് ചാനലിലൂടെ മാളവിക പങ്കുവെക്കാറുണ്ട്. ഇരുവരുടേയും വിവാഹ നിശ്ചയമായിരുന്നു കഴിഞ്ഞ ദിവസം. മാളവിക തന്നെയാണ് ഇക്കാര്യം യുട്യുബ് ചാനലിലൂടെ പങ്കുവെച്ചത്. 

വിവാഹ തീയതി നിശ്ചയിക്കൽ ചടങ്ങിന് വീട്ടുകാരുടെ ഒപ്പം മാളവികയും ചെക്കന്റെ വീട്ടിൽ പോയിരുന്നു. വിവാഹത്തിന് ശേഷം താമസിക്കേണ്ട വീട് വധു നേരത്തെ കാണുന്നതിൽ തെറ്റില്ലെന്നാണ് തന്റെ അഭിപ്രായമെന്ന് മാളവിക പറഞ്ഞു. സാധരണ ചെക്കന്റെ വീട്ടിലേക്ക് വിവാഹത്തിന് മുൻപ് പെണ്ണു പോകാറില്ല, പക്ഷേ ഒരു വെറൈറ്റിക്ക് വീട്ടുകാരുടെ കൂടെ ഞാനും ഇങ്ങ് പോന്നു എന്ന് മാളിവിക പറഞ്ഞു.

വിവാഹ നിശ്ചയമായി നടത്താൻ തീരുമാനിച്ചിട്ടില്ലാത്തത് കൊണ്ട് വിവാഹ തീയതിയും മുഹൂർത്തവും അവിടെ വെച്ച് തന്നെ തീരുമാനിച്ചു‌. എന്നാൽ എന്നാണ് വിവാഹമെന്നത് സസ്പെൻസാണ്. നായികാ നായകൻ എന്ന റിലായിറ്റി ഷോയ്‌ക്കു ശേഷം ലാൽ ജോസ് ചിത്രമായ തട്ടിൻപുറത്ത് അച്ചുതനിൽ മാളവികയും തേജസും ഒന്നിച്ച് അഭിനയിച്ചിരുന്നു. ഇപ്പോൾ ടെലിവിഷൻ സീരിയലുകളിൽ സജീവമാണ് മാളവിക.

ഈ വാര്‍ത്ത കൂടി വായിക്കൂ 

മഞ്ജു വാര്യർക്കൊപ്പം സെൽഫി; 'ആ​ഗ്രഹം സാധിച്ചു തരാൻ മറന്നില്ലല്ലോ, താങ്ക്സ് ഉണ്ട് ദൈവമേ...' രാധികയുടെ ഫേസ്ബുക്ക് പോസ്റ്റ്

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ