ഒരു ഇടവേളയ്ക്ക് ശേഷം ആസിഫ് അലിയും മംമ്ത മോഹൻദാസും ഒന്നിക്കുന്ന ചിത്രമാണ് 'മഹേഷും മാരുതിയും'. സംവിധായകൻ സേതു ഒരുക്കുന്ന ചിത്രത്തിന്റെ ആദ്യ വീഡിയോ ഗാനം ഇപ്പോൾ പുറത്തിറങ്ങിയിരിക്കുകയാണ്. നാലു മണി പൂവ് എന്ന് തുടങ്ങുന്ന ഗാനം ഒരു ഫീൽ ഗുഡ് ഗാനം എന്നാണ് പ്രേക്ഷക പ്രതികരണം. ഹരി നാരായണന്റെ വരികൾക്ക് കേദാറാണ് സംഗീതം ചെയ്തിരിക്കുന്നത്. കെഎസ് ഹരിശങ്കറാണ് ഗാനം ആലപിച്ചിരിക്കുന്നത്.
വാഹനങ്ങളോട് വൈകാരികമായ അടുപ്പമുള്ള ഒരു യുവാവിന്റെ കഥയാണ് മഹേഷും മാരുതിയും. ചിത്രത്തിന് സെൻസർ ബോർഡ് ക്ലീൻ യു സെർട്ടിഫിക്കറ്റാണ് നൽകിയിരിക്കുന്നത്. കൂടാതെ 1984 മോഡൽ മാരുതി 800 കാറും ചിത്രത്തിന്റെ ഒരു പ്രധാന ഭാഗമാകുന്നുണ്ട്.
ചിത്രം ഈ വർഷം നവംബറോടെ തിയേറ്ററുകളിൽ എത്തുമെന്നാണ് സൂചന. മണിയൻപിള്ള രാജു പ്രൊഡക്ഷൻസിന്റെയും വിഎസ്എൽ ഫിലിം ഹൗസിന്റെയും ബാനറിൽ എത്തുന്ന ചിത്രം നിർമ്മിക്കുന്നത് മണിയൻപിള്ള രാജുവാണ്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ