ഷാരുഖ് ഖാനെ നായകനാക്കി ആറ്റ്ലി സംവിധാനം ചെയ്യുന്ന ജവാൻ ആരാധകർ ആഘോഷമാക്കുകയാണ്. തമിഴ് താരങ്ങളാണ് ചിത്രത്തിൽ നിറഞ്ഞു നിൽക്കുന്നത്. നയൻതാരയാണ് ചിത്രത്തിൽ നായികയായി എത്തുന്നത്. ഇപ്പോൾ നയൻതാരയുടെ ഭർത്താവും സംവിധായകനുമായ വിഘ്നേഷ് ശിവന് ഷാരുഖ് ഖാൻ നൽകിയ മുന്നറിയിപ്പാണ് വൈറലാവുന്നത്. പുതിയ പഞ്ചുകളും കിക്കുകളും പഠിച്ചുവച്ചിരിക്കുന്ന നയൻതാരയെ സൂക്ഷിക്കണം എന്നാണ് കിങ് ഖാൻ പറഞ്ഞത്.
ജവാന്റെ ടീസർ പുറത്തെത്തിയതിനു പിന്നാലെ ഷാരുഖ് ഖാനേയും നയൻതാരയേയും ഉൾപ്പടെയുള്ള ടീമിനെ വിഘ്നേഷ് പ്രശംസിച്ചിരുന്നു. ഇതിന് മറുപടി നൽകുകയായിരുന്നു താരം. ‘എല്ലാ സ്നേഹത്തിനും നന്ദി വിഘ്നേഷ് ശിവൻ. നയൻതാര അടിപൊളിയാണ്. ഓ ഞാൻ ആരോടാണ് ഇതെല്ലാം പറയുന്നത്. നിങ്ങൾക്ക് ഇതെല്ലാം അറിയാവുന്നതല്ലേ. പക്ഷേ ഭർത്താവൊന്ന് സൂക്ഷിക്കണ്. അവർ ഇപ്പോൾ ചില പ്രധാനപ്പെട്ട കിക്കുകളും പഞ്ചുകളും പഠിച്ചിട്ടുണ്ട്.’- എന്നാണ് ഷാരുഖ് ഖാൻ കുറിച്ചത്.
നയൻതാരയുടെ ബോളിവുഡ് അരങ്ങേറ്റമാണ് ഇത്. നേരത്തെ നയൻതാരയുടേയും വിഘ്നേഷിന്റേയും വിവാഹത്തിന് ഷാരുഖ് ഖാൻ എത്തിയിരുന്നു. കൂടാതെ ചിത്രത്തിന്റെ ഷൂട്ടിങ് പൂർത്തിയായതിനു ശേഷം നയൻതാരയുടെ ചെന്നൈയിലെ വീട്ടിൽ എത്തി ദമ്പതികളുടെ കുഞ്ഞുങ്ങളേയും കണ്ടു. തമിഴ് നടൻ വിജയ് സേതുപതിയാണ് ചിത്രത്തിൽ വില്ലൻ വേഷത്തിൽ എത്തുന്നത്. അനിരുദ്ധാണ് ചിത്രത്തിന് ഗാനങ്ങൾ ഒരുക്കിയിരിക്കുന്നത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ