'ഒരു ​ഗോട്ട് മറ്റൊരു ​ഗോട്ടിനെ കാണുന്നു'; കമൽ ഹാസന്റെ ചിത്രവുമായി എആർ റഹ്മാൻ, പോസ്റ്റ് ചെയ്തത് മറ്റൊരു ​ഗോട്ടെന്ന് ആരാധകർ

ഇന്ത്യൻ സിനിമാ ലോകത്തെ അഭിമാനങ്ങളാണ് കമൽ ഹാസനും എആർ റഹ്മാനും. ഇരുവരും ഒന്നിച്ച് ലോസ് ഏഞ്ചൽസിനെ ഓസ്കർ മ്യൂസിയം സന്ദർ‌ശിക്കുന്നതിന്റെ ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലാവുന്നത്. ഇൻസ്റ്റ​ഗ്രാമിൽ പങ്കുവച്ച ചിത്രത്തിലൂടെ റഹ്മാനാണ് മ്യൂസിയം സന്ദർശനത്തിന്റെ വിശേഷങ്ങൾ പങ്കുവച്ചത്. 

ക്ലാസിക്കൽ ഹോളിവുഡ് ചിത്രമായ ​ഗോഡ്ഫാദർ കാണുന്ന കമൽഹാസന്റെ ചിത്രമാണ് റഹ്മാൻ പങ്കുവച്ചത്. മാർലൺ ബ്രാൻഡോയെയാണ് സ്ക്രീനിൽ കാണുന്നത്. ഒരു ​ഗോട്ട് മറ്റൊരു ​ഗോട്ടിനെ കാണുന്നു എന്ന അടിക്കുറിപ്പിലാണ് റഹ്മാന്റെ പോസ്റ്റ്. സോഷ്യൽ മീഡിയയിൽ വൈറലാവുകയാണ് ചിത്രം. നിരവധി പേരാണ് പോസ്റ്റിന് താഴെ കമന്റുമായി എത്തിയത്. മറ്റൊരു ​ഗോട്ട് അത് പങ്കുവച്ചു എന്നാണ് ആരാധകരുടെ കമന്റുകൾ. 

പ്രഭാസ് നായകനായി എത്തുന്ന കല്‍ക്കി 2898 എഡിയുടെ വിഡിയോ ലോഞ്ചിനായാണ് താരം യുഎസ്എയില്‍ എത്തിയത്. അതിനു പിന്നാലെ ഇന്ത്യന്‍ 2 സംവിധായകന്‍ ശങ്കറുമായി കണ്ട് ഡി ഏജിങ് സാങ്കേതിക വിദ്യയെക്കുറിച്ച് ചര്‍ച്ച ചെയ്തിരുന്നു. അതിനു പിന്നാലെയാണ് റഹ്മാനൊപ്പം ഓസ്‌കര്‍ മ്യൂസിയം സന്ദര്‍ശിക്കാനെത്തിയത്. 2009 ല്‍ സ്ലംഡോഗ് മില്യനേയര്‍ക്കായി ഓസ്‌കര്‍ പുരസ്‌കാരം നേടിയ റഹ്മാനെക്കുറിച്ചുള്ള വിവരങ്ങള്‍ ഡിജിറ്റല്‍ സ്‌ക്രീനില്‍ കാണുന്ന ഇരുവരുടേയും ചിത്രവും പുറത്തുവന്നു.  

ഈ വാര്‍ത്ത കൂടി വായിക്കൂ 

'മ്യൂസിക് വിഡിയോയില്‍ അഭിനയിക്കുന്നത് എന്തിനാണ്? സിനിമകള്‍ ചെയ്യൂ': ദുല്‍ഖറിനോട് ആരാധകന്‍, മറുപടി ഇങ്ങനെ​

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ