'എന്റെ നീളവും വണ്ണവും നിങ്ങളുടെ പ്രശ്‌നമല്ല'; വിമർശകന് ചുട്ടമറുപടി നൽകി ഭാ​ഗ്യ സുരേഷ് 

സമൂഹമാധ്യമങ്ങളിലൂടെ ബോഡിഷേമിങ് നടത്തിയ വിമർശകന് ചുട്ടമറുപടിയുമായി സുരേഷ് ​ഗോപിയുടെ മകൾ ഭാ​ഗ്യ സുരേഷ്.
ബ്രിട്ടിഷ് കൊളംബിയ സർവകലാശാലയിൽ നിന്ന് ബിരുദം നേടിയ സന്തോഷം പങ്കുവച്ചുകൊണ്ട് ഭാഗ്യ ഇൻസ്റ്റ​ഗ്രമിൽ പോസ്റ്റ് ചെയ്ത ചിത്രത്തിന് താഴെയായിരുന്നു വിമർശകന്റെ കമന്റ്.

നീളത്തെക്കാൾ കൂടുതൽ വണ്ണം ഉള്ളവർക്ക് ചേരുന്ന വസ്ത്രമല്ല സാരിയെന്നും പശ്ചാത്യ വസ്ത്രം ഉപയോ​ഗിക്കണെന്നുമായിരുന്നു വിമർശകന്റെ കമന്റ്. എന്നാൽ ചോദിക്കാതെ പറഞ്ഞ കമന്റിന് നന്ദിയെന്നും വിദേശത്ത് ബിരുദം സ്വീകരിക്കുമ്പോൾ താൻ തന്റെ സംസ്‌കാരത്തിന് ചേരുന്ന വസ്ത്രം ധരിക്കാനാണ് ആ​ഗ്രഹിച്ചതെന്നും ഭാ​ഗ്യം മറുപടി നൽകി.

'അഭിനന്ദനങ്ങൾ, നിങ്ങൾ സാരി ഒഴിവാക്കി പാശ്ചാത്യ വസ്ത്രങ്ങൾ ധരിക്കുന്നതാണ് നല്ലത്. നീളത്തെക്കാൾ വണ്ണം കൂടുതൽ ഉള്ളവർക്ക് ചേരുന്ന വസ്ത്രമല്ല സാരി. പാശ്ചാത്യ വസ്ത്രങ്ങളായ സ്കേർട്ടും ബ്ലൗസും ധരിക്കുന്നത് നിങ്ങളെ സ്മാർട്ടാക്കും'- എന്നായിരുന്നു വിമർശകന്റെ കമന്റ്.

'ആരും ചോദിക്കാതെ പറഞ്ഞ അഭിപ്രായത്തിന് നന്ദി. എന്റെ ശരീരത്തിന്റെ നീളവും വണ്ണവും നിങ്ങളുടെ പ്രശ്‌നമല്ല. എനിക്ക് അനുയോ​ഗ്യമെന്ന് തോന്നുന്ന വസ്ത്രങ്ങൾ ഞാൻ ഇനിയും ധരിക്കും.ഇന്ത്യയിൽ നിന്നുള്ള വിദ്യാർഥികൾ പാശ്ചാത്യ വസ്ത്രങ്ങൾ ധരിക്കാൻ നിർബന്ധിതരാകുന്ന ഒരു വിദേശ രാജ്യത്ത് ബിരുദദാന ചടങ്ങിൽ എന്റെ വേരുകളെ ബഹുമാനിക്കാൻ പരമ്പരാ​ഗത കേരള സാരി ധരിക്കാനാണ് ഞാൻ ആ​ഗ്രഹിച്ചത്. അത് ഞാൻ ചെയ്‌തു. മറ്റുങ്ങള്ളവരുടെ ശരീരത്തെയും വസ്ത്രത്തെയും കുറിച്ച് അഭിപ്രായം പറയാതെ സ്വന്തം കാര്യം നോക്കാൻ ശ്രദ്ധിക്കുമല്ലോ'- എന്നായിരുന്നു ഭാ​ഗ്യയുടെ മറുപടി. നിരവധി പേർ ഭാ​ഗ്യയെ പിന്തുണയ്‌ച്ച് രംഗത്തെത്തി. യുബിസി സൗഡെർ സ്കൂൾ ഓഫ് ബിസിനസിലാണ് ഭാ​ഗ്യ ബിരുദം ചെയ്‌തത്.

ഈ വാര്‍ത്ത കൂടി വായിക്കൂ 

കോടികൾ ഒഴുക്കി ആദിപുരുഷിന് ട്രെയിലർ ലോഞ്ച്; തിരുപതി ഭ​ഗവാന്റെ അനു​ഗ്രഹം തേടി പ്രഭാസ് 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ